ସଡକ ଦୁର୍ଘଟଣା : ୧ ମୃତ,୩ ଗୁରୁତର

ବଲାଙ୍ଗୀର : ବଲାଙ୍ଗୀର ଜିଲ୍ଲା ବେଲପଡ଼ା ଥାନା ଅଞ୍ଚଳରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା । କାରର ଚକା ଫାଟି ଯିବାରୁ ଭାରସାମ୍ୟ ହରାଇ ଗାଡ଼ିଟି ଦୁର୍ଘଟଣା ଗ୍ରସ୍ତ ହୋଇଛି । ଫଳରେ କାରରେ ଯାଉଥିବା ୪ ଜଣ ଯାତ୍ରୀଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣ ଗୁରୁତର ହୋଇଛନ୍ତି । ମୃତକ ଜଣକ ହେଲେ ପୂର୍ଣ୍ଣିମା ମିଶ୍ର । ୩ ଜଣ ଗୁରୁତର ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ସମସ୍ତେ ବେଲପଡ଼ା ବ୍ଲକ ତେତେଲମୁଣ୍ଡା ହାଇସ୍କୁଲର ଶିକ୍ଷକ ଓ ଶିକ୍ଷୟତ୍ରୀ ବୋଲି ପ୍ରାଥମିକ ସୂଚନାରୁ ଜଣା ପଡ଼ିଛି । ମିଳିଥିବା ସୂଚନା ମୁତାବକ, ବେଲପଡ଼ା ବ୍ଲକ ତେତେଲମୁଣ୍ଡା ହାଇସ୍କୁଲର ୨ ଜଣ ଶିକ୍ଷକ ଓ ୨ ଜଣ ଶିକ୍ଷୟତ୍ରୀ ସବୁଦିନ ଭଳି କାର୍ଯ୍ୟ ସାରି ଏକ କାରରେ ପାଟଣାଗଡ଼ ଫେରୁଥିଲେ । ଏହି ସମୟରେ ମୁଣ୍ଡୋଦର୍ହ ଛକ ନିକଟରେ ଗାଡ଼ିର ଚକା ଫାଟି ଯିବାରୁ ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଥିଲା । ଫଳରେ ୪ ଜଣ ଗୁରୁତରଭାବେ ଆହତ ହୋଇଛନ୍ତି । ସ୍ଥାନୀୟ ଲୋକେ ଶିକ୍ଷକ ଏବଂ ଶିକ୍ଷୟିତ୍ରୀ ମାନଙ୍କୁ ଉଦ୍ଧାର କରି ପ୍ରଥମେ ପାଟଣାଗଡ଼ ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ଡାକ୍ତର ଜଣଙ୍କୁ ମୃତ ଘୋଷଣା କରିଛନ୍ତି । ମୃତ ଶିକ୍ଷୟତ୍ରୀ ଜଣକ ହେଲେ ପୂର୍ଣ୍ଣିମା ମିଶ୍ର । ୨ ଜଣ ଶିକ୍ଷକ ମନୁ ମେହେର ଏବଂ ବିଷ୍ଣୁ ମେହେରଙ୍କ ଅବସ୍ଥା ସଙ୍କଟାପନ୍ନ ରହିଛି । ତେବେ ଅନ୍ୟ ଜଣେ ଶିକ୍ଷୟିତ୍ରୀ ମମତା ଭୋଇ ପାଟଣାଗଡ଼ ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି ।