ବିହାର: ଭୋଜପୁର ଜିଲ୍ଲାର ଉଦୱନ୍ତନଗର ଥାନା ଅଞ୍ଚଳରେ ଅବସ୍ଥିତ କବିସାଥ ଗାଁରେ ଏକ ଅଭାବନୀୟ ଘଟଣା ଘଟିଛି । ଶୁକ୍ରବାର ବିଳମ୍ବିତ ରାତିରେ ଅଜ୍ଞାତ ଆକ୍ରମଣକାରୀମାନେ ଏକ ଘରେ ପଶି ଶୋଇଥିବା ଅବସରପ୍ରାପ୍ତ ପୋଲିସ ଅଧିକାରୀଙ୍କୁ ଗୁଳି କରି ହତ୍ୟା କରିଥ୍ୟବା ନେଇ ସୂଚନା ମିଳିଛି । ଏହି ଘଟଣା ପରେ ଅଞ୍ଚଳରେ ଭୟ ଓ ଆତଙ୍କର ବାତାବରଣ ଖେଳିଯାଇଛି । ମୃତକଙ୍କ ନାମ ୮୫ ବର୍ଷୀୟ କନହୈୟା ପ୍ରସାଦ ଯାଦବ, ଯିଏ ୨୦୦୬ ମସିହାରେ ବଙ୍ଗଳା ପୋଲିସରୁ କନଷ୍ଟେବଳ ଭାବରେ ଅବସର ନେଇଥିଲେ । ସେ କରିସାଥ ଗ୍ରାମର ସ୍ୱର୍ଗତ ଜଙ୍ଗ ବାହାଦୁର ଯାଦବଙ୍କ ପୁଅ ଥିଲେ। କନହୈୟାଙ୍କୁ ଦୁଇଟି ଗୁଳି ବାଜିଥିଲା, ଗୋଟିଏ ଛାତିରେ ଏବଂ ଅନ୍ୟଟି ବେକରେ। ଯାହାଫଳରେ ତାଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା।
ପରିବାର ସନ୍ଦେହ କରୁଛନ୍ତି ଯେ ଏହି ହତ୍ୟାକାଣ୍ଡ ପୁରୁଣା ଶତ୍ରୁତାର ପରିଣାମ ହୋଇପାରେ। ମୃତକଙ୍କ ପୁଅ ରାଜ କୁମାର ଯାଦବଙ୍କୁ ସମ୍ପ୍ରତି ତାଙ୍କ ମୋବାଇଲ୍ ଫୋନ୍ରେ ହତ୍ୟା ଧମକ ମିଳିଥିଲା। ହତ୍ୟାକାଣ୍ଡ ସହିତ ଜଡିତ ଏହି ଘଟଣାଗୁଡ଼ିକର ତଦନ୍ତ କରୁଛି ପୋଲିସ। ଏହି ଘଟଣା ସମଗ୍ର ପରିବାରକୁ ଗଭୀର ମର୍ମାହତ କରିଛି। ପୋଲିସ ଅଧିକାରୀମାନେ କହିଛନ୍ତି ଯେ ହତ୍ୟା ପଛର ଉଦ୍ଦେଶ୍ୟ ସ୍ପଷ୍ଟ ନୁହେଁ। ଅନେକ ତଦନ୍ତ ଚାଲିଛି ଏବଂ ଅପରାଧୀଙ୍କୁ ଚିହ୍ନଟ କରିବା ପାଇଁ ପ୍ରମାଣ ଖୋଜାଖୋଜି କରାଯାଉଛି। ବୈଷୟିକ ତଦନ୍ତ ଏବଂ ମୋବାଇଲ୍ କଲ୍ ବିବରଣୀ ମାଧ୍ୟମରେ ମଧ୍ୟ ତଥ୍ୟ ସଂଗ୍ରହ କରାଯାଉଛି। ଏହି ହତ୍ୟାକାଣ୍ଡ ଅଞ୍ଚଳର ସୁରକ୍ଷା ଉପରେ ପ୍ରଶ୍ନ ଉଠାଇଛି। ଗ୍ରାମବାସୀମାନେ ଦାବି କରୁଛନ୍ତି ଯେ ଅପରାଧୀଙ୍କୁ ଯଥାଶୀଘ୍ର ଗିରଫ କରାଯାଉ।
