ବାରଣାସୀ: କ୍ରିକେଟ ଦଳରେ ଚୟନର ପ୍ରତିଶ୍ରୁତି ଦେଇ ଦୁଇ ନାବାଳକ ପୁଅଙ୍କୁ ବଳାତ୍କାର କରିବା ଅଭିଯୋଗରେ ପୋଲିସ ବାରାଣସୀର ଜଣେ ପ୍ରଶିକ୍ଷକଙ୍କୁ ଗିରଫ କରିଛି। ସହକାରୀ ପୋଲିସ କମିଶନର ଗୌରବ କୁମାର ଏନେଇ ସୂଚନା ଦେଇ କହିଛନ୍ତି ଯେ କ୍ରିକେଟ ଦଳରେ ଚୟନର ପ୍ରତିଶୃତି ଦେଇ ୧୪ ଏବଂ ୧୫ ବର୍ଷ ବୟସର ଦୁଇ ନାବାଳକ ପୁଅଙ୍କୁ ବଳାତ୍କାର କରିବା ଅଭିଯୋଗରେ ଶନିବାର କ୍ରିକେଟ ପ୍ରଶିକ୍ଷକ ମୁରାଲିଲାଲ (୪୫)କୁ ଗିରଫ କରାଯାଇଛି। କୁମାରଙ୍କ ଅନୁଯାୟୀ, ପରିବାର ପୋଲିସକୁ କହିଛନ୍ତି ଯେ ୧୪ ଏବଂ ୧୫ ବର୍ଷ ବୟସର ଦୁଇ ଜଣ କିଶୋର ତାଲିମ ପାଇଁ ପ୍ରଶିକ୍ଷକଙ୍କ ପାଖକୁ ଯାଇଥିଲେ। ପ୍ରଶିକ୍ଷକ ପ୍ରଥମେ ଲକ୍ଷ୍ନୌରେ ୧୪ ବର୍ଷରୁ କମ୍ ଦଳରେ ଚୟନ କରିବା ଏବଂ ଡାକ୍ତରୀ ଯାଞ୍ଚ କରିବା ବାହାନାରେ ଜଣେ କିଶୋରଙ୍କୁ ବଳାତ୍କାର କରିଥିଲେ।
ସେ କହିଛନ୍ତି ଯେ ପ୍ରଶିକ୍ଷକ ଅନ୍ୟ କିଶୋରଙ୍କୁ ତିନି ଦିନ ଧରି ବଳାତ୍କାର କରିଥିଲେ। ଯେତେବେଳେ ତାଙ୍କ ସ୍ୱାସ୍ଥ୍ୟାବସ୍ଥା ଖରାପ ହୋଇଗଲା, ତାଙ୍କ ମାଆ ତାଙ୍କୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରିଥିଲେ, ଯେଉଁଠାରେ କିଶୋର ଡାକ୍ତରୀ ପରୀକ୍ଷା ସମୟରେ ତାଙ୍କ ସହ ହୋଇଥିବା କଷ୍ଟ ବିଷୟରେ କହିଥିଲେ। ଆସିଷ୍ଟାଣ୍ଟ ପୋଲିସ କମିଶନର କହିଛନ୍ତି ଯେ ଅଭିଯୁକ୍ତଙ୍କ ସ୍ତ୍ରୀ ତାଙ୍କ ଖରାପ ଅଭ୍ୟାସ ଯୋଗୁଁ ପ୍ରାୟ ପାଞ୍ଚ ବର୍ଷ ପୂର୍ବେ ତାଙ୍କୁ ଛାଡପତ୍ର ଦେଇଥିଲେ। କେନ୍ଦ୍ରୀୟ ବିଦ୍ୟାଳୟରେ ନାମ ଲେଖାଇ ଦେବା ବାହାନାରେ କିଛି ପିଲାଙ୍କୁ ବଳାତ୍କାର କରିବା ଅଭିଯୋଗରେ ଅଭିଯୁକ୍ତକୁ ୨୦୨୧ ମସିହାରେ ଗିରଫ କରାଯାଇଥିଲା। ସେ କହିଛନ୍ତି ଯେ ପୁଅମାନଙ୍କ ପରିବାରର ଅଭିଯୋଗ ଆଧାରରେ, ମୁରାରି ଲାଲଙ୍କ ବିରୋଧରେ ଏକ ମାମଲା ରୁଜୁ କରାଯାଇଛି ଏବଂ ତାଙ୍କୁ ଗିରଫ କରାଯାଇଛି।
