୫ଟାରେ ଦେଶବାସୀଙ୍କୁ ସମ୍ବୋଧନ କରିବେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ଦେଶକୁ ସମ୍ବୋଧନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଆଜି ସନ୍ଧ୍ୟା ୫ଟାରେ ଦେଶବାସୀଙ୍କୁ ସମ୍ବୋଧନ କରିବେ ମୋଦି । ଏହି ସମ୍ବୋଧନ ସମୟରେ ସେ ଏକ ବଡ଼ ଘୋଷଣା ମଧ୍ୟ କରିପାରନ୍ତି। ତଥାପି, ପ୍ରଧାନମନ୍ତ୍ରୀ ମୋଦି କେଉଁ ବିଷୟଗୁଡ଼ିକୁ ସମ୍ବୋଧିତ କରିବେ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ପ୍ରଧାନମନ୍ତ୍ରୀ ମୋଦି ନୂତନ ଜିଏସଟି ହାର କାର୍ଯ୍ୟକାରୀ କରିବା ସମ୍ପର୍କରେ ମଧ୍ୟ ଦେଶବାସୀଙ୍କୁ ସମ୍ବୋଧିତ କରିପାରନ୍ତି ବୋଲି କଳ୍ପନାଜଳ୍ପନା ଚାଲିଛି। ସୂଚନାଯୋଗ୍ୟ ଯେ ନୂତନ ଜିଏସଟି ହାର ଆସନ୍ତାକାଲି ଅର୍ଥାତ ସେପ୍ଟେମ୍ବର ୨୨, ନବରାତ୍ରିର ପ୍ରଥମ ଦିନରୁ ଲାଗୁ ହେବାକୁ ଯାଉଛି। ତେଣୁ, ପ୍ରଧାନମନ୍ତ୍ରୀ ମୋଦିଙ୍କ ସମ୍ବୋଧନ ଏହି ବିଷୟ ଉପରେ ହୋଇପାରେ ବୋଲି ହେଉଛି ଚର୍ଚ୍ଚା।