ଓମାନରେ ପ୍ରଧାନମନ୍ତ୍ରୀ ମୋଦି

ଓମାନ: ଓମାନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଆଜି ଓମାନରେ ଜନସାଧାରଣଙ୍କୁ ସମ୍ବୋଧିତ କରିଛନ୍ତି ପ୍ରଧାନମନ୍ତ୍ରୀ। ତାଙ୍କ ଅଭିଭାଷଣରେ ସେ କହିଛନ୍ତି, “ସମୁଦ୍ରର ତରଙ୍ଗ ପରିବର୍ତ୍ତନ ହୁଏ, ଋତୁ ପରିବର୍ତ୍ତନ ହୁଏ, କିନ୍ତୁ ଭାରତ-ଓମାନ ବନ୍ଧୁତା ପ୍ରତ୍ୟେକ ଋତୁ ସହିତ ଆହୁରି ମଜବୁତ ହୁଏ। ପ୍ରତ୍ୟେକ ତରଙ୍ଗ ସହିତ ଏହା ନୂତନ ଉଚ୍ଚତାରେ ପହଞ୍ଚିଥାଏ।” ପ୍ରଧାନମନ୍ତ୍ରୀ ମୋଦୀ ଆହୁରି କହିଛନ୍ତି, “ଆଜି ଆମେ ଐତିହାସିକ ନିଷ୍ପତ୍ତି ନେବାକୁ ଯାଉଛୁ, ଯାହାର ପ୍ରତିଧ୍ୱନି ଆଗାମୀ ବର୍ଷ ପାଇଁ ପ୍ରତିଧ୍ୱନିତ ହେବ। ଆମର ସମ୍ପର୍କ ବିଶ୍ୱାସର ଭିତ୍ତିଭୂମି ଉପରେ ନିର୍ମିତ। ଆଜି କୂଟନୈତିକ ସମ୍ପର୍କର ୭୦ ବର୍ଷ ପୂରଣ ହେଉଛି। ଆମ ଦୁଇ ଦେଶ ମଧ୍ୟରେ ସମ୍ପର୍କ ମଜବୁତ ହୋଇଛି।”ପ୍ରଧାନମନ୍ତ୍ରୀ ମୋଦୀ କହିଛନ୍ତି, “ସାତ ବର୍ଷ ପରେ ଓମାନ ଗସ୍ତ କରିବାର ସୌଭାଗ୍ୟ ମୋତେ ମିଳିଛି। ଆଜି ମୁଁ ଆପଣମାନଙ୍କ ସହିତ କଥା ହେବାର ସୁଯୋଗ ପାଇଛି। ଆଜିର ଶିଖର ସମ୍ମିଳନୀ ଭାରତ-ଓମାନ ସହଭାଗୀତାକୁ ନୂତନ ଦିଗ ଏବଂ ଗତି ଦେବ।”