ଭୁବନେଶ୍ୱର : ସୋମବାର ଖଣ୍ଡଗିରି ଓ ଉଦୟଗିରି ପରିଦର୍ଶନ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଏଥିପାଇଁ ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି କରାଯାଇଥିଲା । ସୁରକ୍ଷା ବ୍ୟବସ୍ଥା ମଧ୍ୟ କଡା କଡି କରାଯାଇଥିଲା। ରାଷ୍ଟ୍ରପତିଙ୍କ ଆଗମନ ପାଇଁ ଏହି ପର୍ଯ୍ୟଟନସ୍ଥଳୀ ନବବଧୂ ଭଳି ସଜେଇ ହୋଇଥିଲା । ରାଷ୍ଟ୍ରପତି ଖଣ୍ଡଗିରି-ଉଦୟଗିରି ପରିଦର୍ଶନ କରିବା ବେଳେ ତପୋବନସ୍ଥିତ ବିଭୂତି କାନୁନ୍ଗୋ କଳା ଓ ହସ୍ତଶିଳ୍ପ ମହାବିଦ୍ୟାଳୟ ଏବଂ ଉତ୍କଳ ସଂସ୍କୃତି ବିଶ୍ୱବିଦ୍ୟାଳୟର ଛାତ୍ରଛାତ୍ରୀ ଓ ଅଧ୍ୟାପକ ଅଧ୍ୟାପିକାମାନେ ତାଙ୍କୁ ଭେଟିଥିଲେ । ସେଠାରେ କିଛିସମୟ ରହି ରାଷ୍ଟ୍ରପତି ପୁଣି ରାଜଭବନକୁ ଫେରିଥିଲେ। ସେଠାକାର ଲୋକମାନେ ରାଷ୍ଟ୍ରପତିଙ୍କୁ ଦେଖିବା ପାଇଁ ଛିଡା ହୋଇଥିଲେ। ମହାମହିମ ରାଷ୍ଟ୍ରପତି ଗଲାବେଳେ ଛିଡାହୋଇଥିବା ଲୋକମାନଙ୍କୁ ବାୟବାୟ କରି ଯାଇଥିଲେ। ଏହାକୁ ନେଇ ଲୋକମାନେ ବହୁତ ଖୁସି ହୋଇଥିଲେ ।
