ନୂଆଦିଲ୍ଲୀ: ଉତ୍ତର ପ୍ରଦେଶର ଆଗ୍ରାରେ ବାଲାଜୀ ଜୁଏଲର୍ସରେ ଡକାୟତି ଏବଂ ଦୋକାନ ମାଲିକଙ୍କ ହତ୍ୟା ମାମଲାରେ ପୋଲିସକୁ ଏକ ବଡ଼ ସଫଳତା ମିଳିଛି। ପୋଲିସ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଅମନକୁ ଏନକାଉଣ୍ଟରରେ ହତ୍ୟା କରିଥିବା ବେଳେ ଅନ୍ୟ ଜଣେ ଅଭିଯୁକ୍ତକୁ ଗିରଫ କରିଛି। ଘଟଣାରେ ସମ୍ପୃକ୍ତ ତୃତୀୟ ଅଭିଯୁକ୍ତ ଏବେ ବି ଫେରାର ଅଛି। ପୋଲିସ ଅଭିଯୁକ୍ତକୁ ଖୋଜୁଛି ।
ଚାରି ଦିନ ପୂର୍ବେ ଆଗ୍ରାର ସିକନ୍ଦରା ଥାନା ଅଞ୍ଚଳରେ ଏକ ପେଟ୍ରୋଲ ପମ୍ପ ନିକଟରେ ଥିବା ବାଲାଜୀ ଜୁଏଲର୍ସ ଦୋକାନରୁ ୨୨ ଲକ୍ଷ ଟଙ୍କାର ଡକାୟତି ହୋଇଥିଲା। ଯେତେବେଳେ ଜୁଏଲର୍ସ ଦୋକାନ ମାଲିକ ଯୋଗେଶ ଚୌଧୁରୀ ଏହାର ପ୍ରତିବାଦ କଲେ, ଅପରାଧୀମାନେ ଦୌଡ଼ୁଥିବା ସମୟରେ ତାଙ୍କୁ ଗୁଳି କରିଥିଲେ, ଯାହା ଫଳରେ ତାଙ୍କର ମୃତ୍ୟୁ ହୋଇଥିଲା। ଏହି ସମ୍ପୂର୍ଣ୍ଣ ମାମଲାରେ ଆଗ୍ରା ପୋଲିସ କମିଶନର ଦୀପକ କୁମାର କହିଛନ୍ତି ଯେ ଦୁର୍ବୃତ୍ତମାନେ ସ୍ପଷ୍ଟ ଦିବାଲୋକରେ ଅଳଙ୍କାର ଦୋକାନରେ ଡକାୟତି କରିଛନ୍ତି ଏବଂ ଦୋକାନ ମାଲିକଙ୍କୁ ଗୁଳି କରି ହତ୍ୟା କରିଛନ୍ତି। ଏହି ଘଟଣାରେ ସମ୍ପୃକ୍ତ ତୃତୀୟ ଅଭିଯୁକ୍ତଙ୍କୁ ପୋଲିସ ଖୋଜୁଛି।
