ଭୁବନେଶ୍ୱର : ରାତିରେ ହାଲୁକା ଖାଦ୍ୟ ଖାଇବା ସର୍ବଦା ପରାମର୍ଶଦାୟକ । ଏହା ସହିତ ଖାଦ୍ୟ ମଧ୍ୟ ସ୍ୱାଦିଷ୍ଟ ହେବା ଉଚିତ୍ । ତେଣୁ, ଯଦି ଆପଣ ମଧ୍ୟ ପ୍ରତିଦିନ ରାତିରେ କ’ଣ ରାନ୍ଧିବା ବିଷୟରେ ଚିନ୍ତା କରୁଛନ୍ତି, ତେବେ ଆମ ପାଖରେ ଆପଣଙ୍କ ପାଇଁ ଏକ ରେସିପି ଅଛି ଯାହା ଖାଇବା ସ୍ୱାଦିଷ୍ଟ ଏବଂ ହାଲୁକା ମଧ୍ୟ । ରାତ୍ରୀ ଭୋଜନ ପାଇଁ ଆପଣ ପୋହା ଇଡଲି ପ୍ରସ୍ତୁତ କରିପାରିବେ । ପୋହା ଇଡଲି ତିଆରି କରିବା ବହୁତ ସହଜ ଏବଂ ଏହା ମଧ୍ୟ ହାଲୁକା । ଆସନ୍ତୁ ଜାଣିବା ଏହି ରେସିପି କିପରି ପ୍ରସ୍ତୁତ କରାଯାଏ ?
କିପରି ତିଆରି କରିବେ ପୋହା ଇଡଲି :
ପୋହା ଇଡଲି ତିଆରି କରିବାକୁ ପ୍ରଥମେ ଚୁଡାକୁ ନେଇ ପାଣିରେ ଭିଜାଇ ଦିଅ । ବର୍ତ୍ତମାନ ଏକ ପାତ୍ରରେ ଅଧା କପ୍ ସୁଜି ନେଇ ସେଥିରେ ଦହି ମିଶାଇ ଭଲ ଭାବରେ ମିଶାନ୍ତୁ । ଚୁଡାରୁ ପାଣି ବାହାରକରି ଏହାକୁ ଭଲ ଭାବରେ ସୁଜି ଓ ଦହି ସହ ମିଶାନ୍ତୁ । ବର୍ତ୍ତମାନ ସେଥିରେ ଗୋଟିଏ କପ୍ ପାଣି ମିଶାନ୍ତୁ ଏବଂ ଏହାକୁ ମିକ୍ସର୍ରେ ଭଲ ଭାବରେ ଗ୍ରାଇଣ୍ଡ୍ କରନ୍ତୁ । ବର୍ତ୍ତମାନ ଏକ ପାତ୍ରରେ ଏହି ପେଷ୍ଟ ବାହାର କରନ୍ତୁ । ଏହା ପରେ ଏଥିରେ ଲୁଣ ମିଶାଇ ଏହାକୁ ଘୋଡାଇ ରଖନ୍ତୁ ଏବଂ ଏହାକୁ ଅଧ ଘଣ୍ଟା ପର୍ଯ୍ୟନ୍ତ ରଖନ୍ତୁ । ଅଧା ଘଣ୍ଟା ପରେ ବଟାକୁ ଭଲ ଭାବରେ ଗୋଳାନ୍ତୁ । ବର୍ତ୍ତମାନ ସେହି ବଟାକୁ ଇଡଲି ଛାଞ୍ଚରେ ଭରନ୍ତୁ ଏବଂ ଏହାକୁ ୧୫ ମିନିଟ୍ ପାଇଁ ସିଝାନ୍ତୁ । ଯେତେବେଳେ ଇଡଲି ପ୍ରସ୍ତୁତ ହୋଇଯିବ, ଏହାକୁ ବାହାର କରି ଏକ ପ୍ଲେଟକୁ ସ୍ଥାନାନ୍ତର କରନ୍ତୁ । ବର୍ତ୍ତମାନ ଏକ ଚାମଚରେ ଘିଅରେ ଜିରା ଏବଂ ସୋରିଷ ପୁଟାଇ ଏହାକୁ ଇଡଲି ଉପରେ ପକାନ୍ତୁ । ଚିଲି ଫ୍ଲେକ୍ ଏବଂ ଓରେଗାନୋ ମଧ୍ୟ ଛିଞ୍ଚନ୍ତୁ । ବର୍ତମାନ ପ୍ରସ୍ତୁତ ହୋଇଗଲା ଆପଣଙ୍କର ସୁସ୍ୱାଦୁ ପୋହା ଇଡଲି ।
ପୋହା ଇଡଲି ତିଆରି କରିବାର ଆବଶ୍ୟକୀୟ ଉପକରଣ :
ଚୁଡା ଏକ କପ୍, ସୁଜି ଅଧ କପ୍, ଦହି ଏକ କପ୍, ଲୁଣ ସ୍ୱାଦ ଅନୁସାରେ, ଅଧା ଚାମଚ ଜିରା, ଅଧା ଚାମଚ ସୋରିଷ, ଚିଲି ଫ୍ଲେକ୍ସ, ଓରେଗାନୋ ।
