ଦିଲ୍ଲୀ ରେଳ ଷ୍ଟେସନରେ ଦଳାଚକଟା ପରେ ପ୍ଲାଟଫର୍ମ ଟିକେଟ୍ ବିକ୍ରୟ ନିଷେଧ

ନୂଆଦିଲ୍ଲୀ: ଜାତୀୟ ରାଜଧାନୀରେ ନୂଆଦିଲ୍ଲୀ ଦଳାଚକଟା ଘଟଣାକୁ ମନେ ରଖି, ସୋମବାର ଭିଡ଼ ଜମା ହେବା ମାତ୍ରେ ବିଭାଗୀୟ ଅଧିକାରୀମାନେ ପୁଣି ଥରେ ପ୍ଲାଟଫର୍ମ ଟିକେଟ୍ ଦେବା ବନ୍ଦ କରିଦେଇଛନ୍ତି। ଦୁର୍ଘଟଣା ପରେ ଭିଡ଼କୁ ଦୃଷ୍ଟିରେ ରଖି ସେମାନେ ଏହି ନିଷ୍ପତ୍ତି ନେଇଥିବା ରେଳ ଅଧିକାରୀମାନେ କହିଛନ୍ତି। ନୂଆ ଦିଲ୍ଲୀ ରେଳ ଷ୍ଟେସନର ଅଧିକାରୀମାନେ ସୂଚନା ଦେଇଛନ୍ତି ଯେ ଭିଡ଼ କମିବା ମାତ୍ରେ ପ୍ଲାଟଫର୍ମ ଟିକେଟ୍ ପ୍ରଦାନ କାର୍ଯ୍ୟ ଆରମ୍ଭ କରାଯିବ। ଭିଡ଼ ନିୟନ୍ତ୍ରଣ ଉଦ୍ଦେଶ୍ୟରେ ପ୍ଲାଟଫର୍ମ ଟିକେଟ୍ ଜାରି ନକରିବା ନିଷ୍ପତ୍ତି ନିଆଯାଇଛି।