ପକ୍ଷୀ ଧକ୍କା ହେବା ପରେ ଜରୁରୀକାଳୀନ ଅବତରଣ କଲା ବିମାନ

ନୂଆଦିଲ୍ଲୀ: କୋଲକାତା ଅଭିମୁଖେ ଯାଉଥିବା ଇଣ୍ଡିଗୋ ବିମାନଟି ଉଡାଣ ଆରମ୍ଭ କରିବାର କିଛି ସମୟ ପରେ ନାଗପୁରରେ ଜରୁରୀ ଅବତରଣ କରିଥିଲା । ମଙ୍ଗଳବାର ସକାଳେ  ମଝି ଆକାଶରେ ପକ୍ଷୀ ଧକ୍କା ହୋଇଥିବା ନେଇ ସନ୍ଦେହରେ  ବିମାଟି ଜରୁରୀ ଅବତରଣ କରିଛି ବୋଲି ଅଧିକାରୀ କହିଛନ୍ତି । ବିମାନରେ ପାଖାପାଖି ୧୬୫ ଯାତ୍ରୀ ଥିଲେ ।  ସମସ୍ତ ଯାତ୍ରୀ ଏବଂ କ୍ରୁ ସଦସ୍ୟ  ସୁରକ୍ଷିତ ଥିବା ସୂଚନା ମିଳିଛି । ଅଧିକାରୀ ଜଣଙ୍କ ଆହୁରି କହିଛନ୍ତି ବିମାନ ଉଡାଣ ଏନେଇ ବାତିଲ କରାଯାଇଛି ।  ଇଣ୍ଡିଗୋର ମୁଖପାତ୍ର କହିଛନ୍ତି,  ନାଗପୁରରୁ କୋଲକାତା ଅଭିମୁଖେ  ଯାତ୍ରା କରୁଥିବା ଇଣ୍ଡିଗୋ ବିମାନ ୬ଇ ୮୧୨ ଉଡାଣ ଭରିବା ପରେ ହଠାତ ପକ୍ଷୀ ଧକ୍କା ଖାଇବାରେ ସମ୍ମୁଖୀନ ହୋଇଥିଲା ।  ତେଣୁ ବିମାନଟି ଜରୁରୀ ଅବତରଣ କରିବାକୁ ପଡିଥିଲା ଯାତ୍ରୀମାନଙ୍କୁ ସୁରକ୍ଷିତ ଭାବେ ଓହ୍ଲାଯାଇଛି । ଆଜି ପାଇଁ ଉଡାଣକୁ ବାତିଲ କରାଯାଇଛି ।