କାଇରୋ: ପୂର୍ବ ସୁଡାନରେ ଅବତରଣ କରିବା ସମୟରେ ଏକ ସୁଡାନ୍ ସାମରିକ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ସମସ୍ତ କ୍ରୁ ସଦସ୍ୟଙ୍କ ମୃତ୍ୟୁ ହୋଇଛି। ସୂଚନାରୁ ପ୍ରକାଶ, ଦୁଇ ଜଣ ଅଧିକାରୀ କହିଛନ୍ତି ଯେ ମଙ୍ଗଳବାର ଦିନ ଉପକୂଳବର୍ତ୍ତୀ ପୋର୍ଟ ସୁଡାନ୍ ସହରସ୍ଥିତ ଓସମାନ ଦିଗ୍ନା ବାୟୁ ଘାଟିରେ ଅବତରଣ କରିବା ସମୟରେ ଇଲ୍ୟୁସିନ୍ ଇଲ୍-୭୬ କାର୍ଗୋ ବିମାନଟି ଯାନ୍ତ୍ରିକ ତ୍ରୁଟିର ସମ୍ମୁଖୀନ ହୋଇଥିଲା। ଫଳରେ ବିମାନ ଦୁର୍ଘଟଣା ଘଟି ସମସ୍ତ କ୍ରୁ ସଦସ୍ୟଙ୍କ ମୃତ୍ୟୁ ହୋଇଛି କିନ୍ତୁ ଏଥିରେ କେତେ ଜଣ ଥିଲେ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ତେବେ ସାମରିକ ବାହିନୀ ଦୁର୍ଘଟଣା ଉପରେ କୌଣସି ମନ୍ତବ୍ୟ ଦେଇନାହିଁ। ସୁଦାନରେ ବିମାନ ଦୁର୍ଘଟଣା ସାଧାରଣ କାରଣ ଦେଶର ବିମାନ ଚଳାଚଳ ସୁରକ୍ଷା ରେକର୍ଡ ଖରାପ। ଫେବୃଆରୀ ମାସରେ, ରାଜଧାନୀ ଖାର୍ତୁମର ଭଉଣୀ ସହର ଓମଡର୍ମାନର ଏକ ଜନବହୁଳ ଅଞ୍ଚଳରେ ଏକ ସାମରିକ ବିମାନ ଦୁର୍ଘଟଣାଗ୍ରସ୍ତ ହେବାରୁ ମହିଳା ଏବଂ ଶିଶୁଙ୍କ ସମେତ ଅତି କମରେ ୪୬ ଜଣଙ୍କର ମୃତ୍ୟୁ ହୋଇଥିଲା। ଅଧିକ ତଥ୍ୟ ପାଇଁ ତଦନ୍ତ ଜାରି ରହିଛି।
