ଏସଆଇଆରକୁ ୩ ମାସ ବୃଦ୍ଧି ପାଇଁ ସୁପ୍ରିମକୋର୍ଟରେ ଆବେଦନ

ନୂଆଦିଲ୍ଲୀ: ଉତ୍ତର ପ୍ରଦେଶରେ ଏସଆଇଆର ପ୍ରକ୍ରିୟାକୁ ୩ ମାସ ବୃଦ୍ଧି କରିବା ପାଇଁ ସୁପ୍ରିମକୋର୍ଟରେ ଆବେଦନ ଦାଖଲ କରାଯାଇଛି। ଭାରତୀୟ କିଷାନ ୟୁନିଅନ ଆଜାଦ ଟ୍ରଷ୍ଟ ସ୍ୱତନ୍ତ୍ର ସଘନ ସଂଶୋଧନ (ଏସଆଇଆର)କୁ ତିନି ମାସ ବୃଦ୍ଧି କରିବା ପାଇଁ ଆବେଦନ ଦାଖଲ କରିଛନ୍ତି। ଆବେଦନରେ ଅଭିଯୋଗ କରାଯାଇଛି ଯେ ଚାରି ସପ୍ତାହ ମଧ୍ୟରେ ରାଜ୍ୟର ୧୫.୩୫ କୋଟି ଭୋଟରଙ୍କ ଏସଆଇଆର କରିବା ପ୍ରଶାସନିକ ଦୃଷ୍ଟିରୁ ଅସମ୍ଭବ ଏବଂ ଏହା ଦ୍ୱାରା ବହୁ ସଂଖ୍ୟକ ଲୋକ ମତଦାନରୁ ବଞ୍ଚିତ ହୋଇପାରନ୍ତି। ଭୁଲ ଉପାୟରେ ନାମ ହଟାଇବାରୁ ରକ୍ଷା ପାଇବା, ଗ୍ରାମାଞ୍ଚଳ ଭୋଟରମାନଙ୍କୁ ଅସୁବିଧା ନ ହେବା ଏବଂ ଭୋଟର ତାଲିକାକୁ ନିରପେକ୍ଷ ଏବଂ ସଠିକ୍ ଭାବରେ ସଂଶୋଧନ କରିବା ପାଇଁ ଏହି ପ୍ରକ୍ରିୟାକୁ ତିନି ମାସ ବୃଦ୍ଧି କରିବାକୁ ଆବେଦନରେ ଦାବି କରାଯାଇଛି। ନିର୍ବାଚନ କମିଶନ ନଭେମ୍ବର ୪ ତାରିଖରେ ଉତ୍ତର ପ୍ରଦେଶରେ ଏସଆଇଆର ପ୍ରକ୍ରିୟା ଆରମ୍ଭ କରିଥିଲେ। ଅଧିକାରୀମାନେ କହିଛନ୍ତି ଯେ ଏହି ଅଭିଯାନ ଅଧୀନରେ, ବୁଥ୍-ସ୍ତରୀୟ ଅଧିକାରୀ (ବିଏଲଓ) ଡିସେମ୍ବର ୪ ପର୍ଯ୍ୟନ୍ତ ପ୍ରତ୍ୟେକ ଘରକୁ ଯାଇ ଭୋଟର ବିବରଣୀ ଯାଞ୍ଚ ଏବଂ ଅପଡେଟ୍ କରିବେ।