ବର୍ଲିନ୍: ଦକ୍ଷିଣ ଜର୍ମାନୀରୁ ସାମ୍ନାକୁ ଆସିଛି ଏକ ବଡ ଅଘଟଣାର ଖବର। ଦକ୍ଷିଣ ଜର୍ମାନୀରେ ଏକ ଯାତ୍ରୀବାହୀ ଟ୍ରେନ୍ ଲାଇନଚ୍ୟୁତ ହେବା ଫଳରେ ଅତି କମରେ ତିନି ଜଣଙ୍କର ମୃତ୍ୟୁ ହୋଇଥିବା ଏବଂ ଅନେକ ଆହତ ହୋଇଥିବା ନେଇ ସୂଚନା ମିଳିଛି। ଫେଡେରାଲ୍ ଏବଂ ସ୍ଥାନୀୟ ପୋଲିସ କହିଛନ୍ତି ଯେ ମ୍ୟୁନିଚ୍ ଠାରୁ ପ୍ରାୟ ୧୫୮ କିଲୋମିଟର ପଶ୍ଚିମରେ ରିଡଲିଞ୍ଜେନ ନିକଟରେ ଦୁର୍ଘଟଣାର କାରଣ ତଦନ୍ତାଧୀନ ରହିଛି। ଘଟଣାସ୍ଥଳରୁ ମିଳିଥିବା ଫଟୋଗୁଡ଼ିକରେ ଉଦ୍ଧାରକାରୀମାନେ ବଗି ଉପରେ ଚଢ଼ିବା ସମୟରେ ଟ୍ରେନର କିଛି ଅଂଶ ଏହାର ପାର୍ଶ୍ୱରେ ଥିବା ଦେଖାଯାଇଛି। ଜର୍ମାନ ଚାନ୍ସେଲର ଫ୍ରେଡ୍ରିଚ୍ ମର୍ଜ, ସୋସିଆଲ ପ୍ଲାଟଫର୍ମ ଏକ୍ସର ଏକ ପୋଷ୍ଟରେ କହିଛନ୍ତି ଯେ ସେ ପୀଡିତମାନଙ୍କ ପାଇଁ ଶୋକ ପ୍ରକାଶ କରିଛନ୍ତି ଏବଂ ସେମାନଙ୍କ ପରିବାରକୁ ସମବେଦନା ଜଣାଇଛନ୍ତି। କେତେ ଜଣ ଆହତ ହୋଇଛନ୍ତି ତାହା ତୁରନ୍ତ ସ୍ପଷ୍ଟ ହୋଇନାହିଁ।
ସୂଚନା ଅନୁସାରେ ରବିବାର ସନ୍ଧ୍ୟା ପ୍ରାୟ ୬:୧୦ ସମୟରେ ଏକ ଜଙ୍ଗଲ ଅଞ୍ଚଳରେ ଅତି କମରେ ଦୁଇଟି ବଗି ଲାଇନଚ୍ୟୁତ ହୋଇଥିଲା। ସେହି ସମୟରେ ଟ୍ରେନରେ ପ୍ରାୟ ୧୦୦ ଜଣ ଲୋକ ଯାତ୍ରା କରୁଥିଲେ। ଦୁର୍ଘଟଣା ପୂର୍ବରୁ ସେହି ଅଞ୍ଚଳ ଦେଇ ଝଡ଼ ଆସିଥିଲା ଏବଂ ତଦନ୍ତକାରୀମାନେ ବର୍ଷା ଏକ କାରଣ କି ନାହିଁ ତାହା ନିର୍ଣ୍ଣୟ କରିବାକୁ ଚେଷ୍ଟା କରୁଛନ୍ତି। ଜର୍ମାନୀର ପ୍ରମୁଖ ଜାତୀୟ ରେଳ ପରିଚାଳନାକାରୀ ଡଚେ ବାହନ୍ ଏକ ବିବୃତ୍ତିରେ କହିଛି ଯେ ତଦନ୍ତକାରୀଙ୍କୁ ପୂର୍ଣ୍ଣ ସହଯୋଗ କରିବା। କମ୍ପାନୀ ଏହି ଦୁର୍ଘଟଣାରେ ଜୀବନ ଯାଇଥିବା ଯାତ୍ରୀଙ୍କ ପାଇଁ ଶୋକ ପ୍ରକାଶ କରିଛି।
