ଭୁବନେଶ୍ୱର: ସୁଧ ଟଙ୍କାକୁ କେନ୍ଦ୍ର କରି ପଦ୍ମକେଶରୀପୁର ଗାଁରେ ଗୋଷ୍ଠୀ ସଂଘର୍ଷ ଘଟଣାରେ ଆଜି ଅନ୍ୟ ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ମଞ୍ଚେଶ୍ୱର ଥାନା ପୁଲିସ । ଗିରଫ ହେଲେ ଉକ୍ତ ଗ୍ରାମର ପ୍ରଭାତ ଦାସ(୩୦) ଏବଂ କାହ୍ନୁ ଦାସ(୩୦) । ସୂଚନାଯୋଗ୍ୟ ଯେ, ଗତ ୬ ତାରିଖ ରାତିରେ ପୂର୍ବ ବିବାଦକୁ କେନ୍ଦ୍ରକରି ପଦ୍ମକେଶରୀପୁର ଗାଁରେ ଗୋଷ୍ଠୀ ସଂଘର୍ଷ ହୋଇଥିଲା । ପରେ ସ୍ଥିତି ବିଗିଡିବା ସହ ହୋଇଥିଲା ଟେକା, ପଥର, କାଚ୍ ବୋତଲ ମାଡ ସହ ବୋମାମାଡ । ଯାହା ଫଳରେ ଉକ୍ତ ଗ୍ରାମରେ ଏକ ଭୟଙ୍କର ପରିସ୍ତିତି ସୃଷ୍ଠି ହୋଇଥିଲା ଏହାକୁ ଆୟତ କରିବା ପାଇଁ ସେଠାର ମଞ୍ଚେଶ୍ୱର ଥାନା, ଇନଫୋସିଟି ଥାନା ଏବଂ ମୈତ୍ରି ବିହାର ଥାନା ପୁଲିସ ପହଞ୍ଚି ସ୍ଥିତିକୁ ନିୟନ୍ତ୍ରଣ କରିବାକୁ ଚେଷ୍ଟା କରିଥିଲା । ଏହି ଘଟଣାପରଠୁ ଗାଁ ପୂରା ପୁରୁଷଶୂନ୍ୟ ହୋଇପଡିଥିଲା । ସେଠାର କିଭିଳି ଶାନ୍ତି ଫେରି ଆସିବ ସେଥିପାଇଁ ଏକ ପ୍ଲାଟୁନ୍ ପୁଲିସ ଫୋର୍ସ କରାଯାଥିଲା ।
ଏବଂ ଏହି ଗୋଷ୍ଠୀ ସଂଘର୍ଷ ପଛରେ ଥିବା ଆଶାମିଙ୍କୁ ଗିରଫ କରିବା ପାଇଁ ଉଦ୍ୟମ କରିଥିଲା । ସେହି ପରପ୍ରେକ୍ଷିରେ ଗତ କାଲି ମଞ୍ଚେଶ୍ୱର ଥାନା ପୁଲିସ ସାଜନ ଦାସ ଓ ଇନ୍ଦ୍ରାଣୀ ଦାସ ଗିରଫ କରିଥିଲେ । ଏହି ଘଟଣାରେ ସମ୍ପୃକ୍ତ ଥିବା ଅନ୍ୟ ଅଭିଯୁକ୍ତମାନଙ୍କୁ ଖୋଜୁଛି ପୁଲିସ । ଗାଁରେ ଏବେ ସ୍ଥିତି ନିୟନ୍ତ୍ରଣରେ ରହିଥିବା କହିଛନ୍ତି ଡିସିପି ପ୍ରତିକ୍ ସିଂହ । ଗାଁ ଛାଡି ଯାଇଥିବା ଲୋକମାନେ ଧୀରେ ଧୀରେ ଗାଁକୁ ଫେରିଲେଣି । ଗୋଷ୍ଠୀ ସଂଘର୍ଷର କାରଣ ସୁଧ ବେପାର ବୋଲି ଜଣାପଡିଛି । ଯେଉଁମାନେ ଏଭଳି କାରବାର କରୁଛନ୍ତି ସେମାନଙ୍କୁ ଖୁବଶୀଘ୍ର ଧରାଯିବ । ଏ ନେଇ ଅତ୍ୟାଚାର ପାଉଥିବା ଲୋକେ ମଧ୍ୟ ସାହସ କରି ଥାନାରେ ଅଭିଯୋଗ କରିବାକୁ କହିଛନ୍ତି ଭୁବନେଶ୍ୱର ଡିସିପି ପ୍ରତୀକ ସିଂହ ।
