ଡଙ୍ଗା ବୁଡ଼ି ଜଣେ ମୃତ: ୫ ନିଖୋଜ

ନୂଆଦିଲ୍ଲୀ: ବିହାରର ଔରଙ୍ଗାବାଦରେ ଏକ ବଡ଼ ଦୁର୍ଘଟଣା ଘଟିଛି। ସୋନ ନଦୀରେ ଡଙ୍ଗା ବୁଡ଼ିଯିବାରୁ ଜଣେ ଯୁବତୀଙ୍କ ମୃତ୍ୟୁ ହୋଇଛି। ୫ ଜଣ ନିଖୋଜ ଅଛନ୍ତି ଏବଂ ସେମାନଙ୍କୁ ଖୋଜା ଚାଲିଛି। ଘଟଣାଟି ନବୀନଗର ବ୍ଲକର ବାଡେମ୍ ଓପି ଥାନା ଅଞ୍ଚଳର ରଘୁନାଥପୁର ବାଲି ଘାଟରେ ଘଟିଛି।ସୂଚନା ପାଇବା ମାତ୍ରେ ଜିଲ୍ଲା ମାଜିଷ୍ଟ୍ରେଟ୍ ଶ୍ରୀକାନ୍ତ ଶାସ୍ତ୍ରୀ, ପୋଲିସ ଅଧୀକ୍ଷକ ଅମ୍ବ୍ରୀଶ ରାହୁଲ, ଏସଡିଏମ୍ ସଦର ସନ୍ତାନ ସିଂହ, ଏସଡିପିଓ ସଦର-୧ ସଞ୍ଜୟ କୁମାର ପାଣ୍ଡେ ଏବଂ ଅନ୍ୟାନ୍ୟ ସ୍ଥାନୀୟ ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ। ସ୍ଥାନୀୟ ବୁଡ଼ାଳିଙ୍କ ସହାୟତାରେ ଜଣେ ଯୁବତୀଙ୍କ ମୃତଦେହ ଉଦ୍ଧାର କରାଯାଇଥିଲା। ତାଙ୍କୁ ବାଡେମର ବାସିନ୍ଦା ଶାମିମ ଅନସାରୀଙ୍କ ଝିଅ ତମନ୍ନା ପରୱିନ୍ (୨୧) ଭାବରେ ଚିହ୍ନଟ କରାଯାଇଥିଲା।ଔରଙ୍ଗାବାଦ ଜିଲ୍ଲା ମାଜିଷ୍ଟ୍ରେଟ୍ ଶ୍ରୀକାନ୍ତ ଶାସ୍ତ୍ରୀ ନିଶ୍ଚିତ କରିଛନ୍ତି ଯେ ପାଞ୍ଚ ଜଣ ନିଖୋଜ ଅଛନ୍ତି। ସେ କହିଛନ୍ତି ଯେ ଡଙ୍ଗା ବୁଡ଼ିବା ପରେ ବୁଡ଼ି ଯାଇଥିବା ଦଶ ଜଣଙ୍କୁ ଉଦ୍ଧାର କରାଯାଇଛି। ନିଖୋଜଙ୍କ ସନ୍ଧାନ ଜାରି ରହିଛି।