ଭୁବନେଶ୍ୱର: ଜଗତଜନ୍ନନୀ ମା ଦୁର୍ଗାଙ୍କ ନବରାତ୍ରି ପୂଜା ସେପ୍ଟେମ୍ବର ୨୨ରୁ ଆରମ୍ଭ ହୋଇ ଅକ୍ଟୋବର ୧ରେ ଶେଷ ହେବ। ଶାରଦୀୟ ନବରାତ୍ରିରେ ଦେବୀ ଦୁର୍ଗାଙ୍କ ପୂଜାର ବିଶେଷ ମହତ୍ତ୍ୱ ରହିଛି। ବିଶ୍ୱାସ କରାଯାଏ ଯେ ନବରାତ୍ରିର ଏହି ମାସଟି ପବିତ୍ର ଦିନରେ ଭକ୍ତମାନେ ଦେବୀ ଦୁର୍ଗାଙ୍କ ନଅଟି ଭିନ୍ନ ରୂପର ପୂଜା କରନ୍ତି। ପୂଜା ସହିତ ଭୋଗର ମଧ୍ୟ ଏକ ବିଶେଷ ମହତ୍ତ୍ୱ ରହିଛି। ଏହି ନବରାତ୍ରୀରେ ମା ଦୁର୍ଗାଙ୍କୁ ତାଙ୍କର ପ୍ରିୟ ଭୋଗ ଭିନ୍ନ ଭିନ୍ନ ପ୍ରକାରର ଦିଆଯାଇଥାଏ । ସେଥିପାଇଁ ତ ମା ଦୁର୍ଗାଙ୍କ ରୂପ ଅନୁସାରେ ଭୋଗ ଅର୍ପଣ କରିବାର ପରମ୍ପରା ରହିଛି। ଆସନ୍ତୁ ଜାଣିବା ନଅଟି ଦିବ୍ୟ ଭୋଗ ବିଷୟରେ…
ପ୍ରଥମ ଦିନ: ମା ଶୈଳପୁତ୍ରୀ- ଏହି ଦିନ ମାତା ଦୁର୍ଗାଙ୍କ ପ୍ରଥମ ପ୍ରଥମ ରୂପ ମା ଶୈଳପୁତ୍ରୀଙ୍କୁ ପୂଜା କରାଯାଏ । ଏହି ଦିନ ଗାଈ ଘିଅ ଅର୍ପଣ କରିବା ଦ୍ୱାରା ଭକ୍ତମାନଙ୍କୁ ମା ଦୁର୍ଗାଙ୍କ ଆଶୀର୍ବାଦ ମିଳିଥାଏ । ଏହା କରିବା ଦ୍ୱାରା ରୋଗ ଏବଂ କଷ୍ଟ ଦୂର ହୁଏ ବୋଲି ବିଶ୍ୱାସ କରାଯାଏ।
ଦ୍ୱିତୀୟ ଦିନ: ମା ବ୍ରହ୍ମଚାରିଣୀ- ଏହି ଦିନ ମାତା ଦୁର୍ଗାଙ୍କୁ ମିଠା ଅର୍ପଣ କରିବାର ପରମ୍ପରା ଅଛି । ଏହା ପରିବାରରେ ସୁଖ ଏବଂ ସମୃଦ୍ଧି ଆଣିଥାଏ ।
ତୃତୀୟ ଦିନ: ଚନ୍ଦ୍ରଘଣ୍ଟା- ଏହି ଦିନ , ମାତା ଦୁର୍ଗାଙ୍କୁ ମା ଚନ୍ଦ୍ରଘଣ୍ଟା ରୂପରେ ପୂଜା କରାଯାଏ । ଏହି ଦିନ ଦେବୀଙ୍କୁ କ୍ଷୀର ଅର୍ପଣ କରିବା ଦ୍ୱାରା ମାନସିକ ଶାନ୍ତି ଏବଂ ଦୁଃଖରୁ ମୁକ୍ତି ମିଳିଥାଏ ।
ଚତୁର୍ଥ ଦିନ: ମା କୁଷ୍ମାଣ୍ଡା- ଏହି ଦିନ ମାତା ଦୁର୍ଗାଙ୍କୁ ପ୍ରସାଦ ଭାବରେ ମାଲପୁଆ ଅର୍ପଣ କରିବା ଦ୍ୱାରା ଜୀବନର ସମସ୍ତ ଦୁଃଖ ନଷ୍ଟ ହୁଏ ।
ପଞ୍ଚମ ଦିନ: ମା ସ୍କନ୍ଦମାତା- ଶାରଦୀୟ ନବରାତ୍ରି ର ପଞ୍ଚମ ଦିନରେ ମାତାଙ୍କୁ କଦଳୀ ଅର୍ପଣ କରିବା ଉଚିତ। ଏହା ସକାରାତ୍ମକ ଶକ୍ତି ବଜାୟ ରଖେ ।
ଷଷ୍ଠଦିନ: ମା କାତାୟନୀ- ଏହି ଦିନ ମାତା କାତ୍ୟାୟନୀଙ୍କୁ ମହୁ ପ୍ରସାଦ ଅର୍ପଣ କରିବା ଉଚିତ। ଏହା ଆକର୍ଷଣ ଶକ୍ତିକୁ ବୃଦ୍ଧି କରେ । ଏବଂ ସମ୍ପର୍କକୁ ମଧୁର କରେ ।
ସପ୍ତମ ଦିନ: ମା କାଳରାତ୍ରି- ଏହି ଦିନ ମାତା କାଳରାତ୍ରିଙ୍କୁ ଗୁଡ କିମ୍ବା ଗୁଡରୁ ତିଆରି ଜିନିଷ ଅର୍ପଣ କରିବା ଦ୍ୱାରା ନକାରାତ୍ମକ ଦୂର ହୋଇଥାଏ ।
ଅଷ୍ଟମ ଦିନ: ମା ମହାଗୌରୀ- ଏହି ଦିନ ମାତା ଦୁର୍ଗାଙ୍କ ମହାଗୌରୀ ରୂପକୁ ପୂଜା କରାଯାଏ। ଏହି ଦିନ ଦେବୀଙ୍କୁ ନଡିଆ ଅର୍ପଣ କରିବା ଉଚିତ ।
ନବମ ଦିନ: ମା ସିଦ୍ଧଦାତ୍ରୀ- ନବମ ଦିନରେ ମାତା ସିଦ୍ଧଦାତ୍ରୀଙ୍କୁ ତେଲ ପ୍ରସାଦ ଅର୍ପଣ କରାଯିବା ଉଚିତ । ଏହା କରିବା ଦ୍ୱାରା ବିପଦରୁ ସୁରକ୍ଷା ଦେଇଥାଏ ।
