ଭୁବନେଶ୍ୱର: ଭାରତ ସରକାରଙ୍କ ଦ୍ୱାରା ପ୍ରକାଶିତ ପରଫର୍ମାନ୍ସ ଗ୍ରେଡିଂ ଇଣ୍ଡେକ୍ସ (ପିଜିଆଇ-୨.୦) ରିପୋର୍ଟ ଅନୁଯାୟୀ, ସ୍କୁଲ ଗ୍ରେଡିଂ ସିଷ୍ଟମରେ ଓଡ଼ିଶା ଜାତୀୟ ସ୍ତରରେ ୫ମ ସ୍ଥାନ ହାସଲ କରିଛି। ଗୁରୁବାର ଏକ ଏକ୍ସ ପୋଷ୍ଟରେ ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହା ପ୍ରକାଶ କରିଛନ୍ତି। “ଭାରତ ସରକାରଙ୍କ ଦ୍ୱାରା ପ୍ରକାଶିତ ପରଫରମାନ୍ସ ଗ୍ରେଡିଂ ଇଣ୍ଡେକ୍ସ (ପିଜିଆଇ-୨.୦) ରିପୋର୍ଟ ଅନୁଯାୟୀ, ସ୍କୁଲ ଗ୍ରେଡିଂ ସିଷ୍ଟମରେ ଓଡ଼ିଶା ଜାତୀୟ ସ୍ତରରେ ୫ମ ସ୍ଥାନ ହାସଲ କରିଛି ବୋଲି କହି ଖୁସି ହେଉଛି। ଓଡ଼ିଶା ୫୯୫.୬ ସ୍କୋର ହାସଲ କରିଛି ଏବଂ ୨୦୨୩-୨୪ ଶିକ୍ଷାବର୍ଷ ପାଇଁ ପ୍ରଚେଷ୍ଟା-୩ ଗ୍ରେଡ୍ ପାଇଛି, ଯାହା ୨୦୧୯ରେ ୧୪ତମ ଥିଲା,” ପୂର୍ବତନ ମୁଖ୍ୟମନ୍ତ୍ରୀ ଏକ୍ସରେ ଲେଖିଛନ୍ତି।
ପିଜିଆଇ-୨.୦ ଦୁଇଟି ବର୍ଗରେ ୭୩ଟି ସୂଚକ ମାଧ୍ୟମରେ ସ୍କୁଲ ଶିକ୍ଷାର ମୂଲ୍ୟାଙ୍କନ କରେ: ଫଳାଫଳ ଏବଂ ଶାସନ ଏବଂ ପରିଚାଳନା। ଆମର ୫ଟି ପଦକ୍ଷେପ ଅଧୀନରେ, ଆମେ ପ୍ରାୟ ୭୦୦୦ ସ୍କୁଲକୁ ପରିବର୍ତ୍ତନ କରି ନୂତନ ଆକାଂକ୍ଷା ପ୍ରକାଶ କରିଛୁ ଏବଂ ସ୍କୁଲ ଛାତ୍ରଛାତ୍ରୀଙ୍କ ପାଇଁ ନୂତନ ଦିଗନ୍ତ ଖୋଲିଛୁ। ଆମେ ସର୍ବଦା ବିଶ୍ୱାସ କରୁଥିଲୁ ଯେ ପ୍ରତ୍ୟେକ ପିଲାଙ୍କୁ ଶିକ୍ଷାର ଶକ୍ତିରେ ସଶକ୍ତ କରି ‘ନୂଆ ଓଡ଼ିଶା’ ନିର୍ମାଣ କରାଯିବ। ଖୁସି ଯେ ସରକାରୀ ସ୍କୁଲ ଶିକ୍ଷାର ଦୃଢ଼ ଭିତ୍ତିଭୂମି ଛାତ୍ରଛାତ୍ରୀମାନଙ୍କୁ ଉତ୍କର୍ଷ ହାସଲ କରିବାରେ ସାହାଯ୍ୟ କରୁଛି। ଏହି ବିଶାଳ ପରିବର୍ତ୍ତନ ପାଇଁ ସମସ୍ତ ଶିକ୍ଷକ, ଅଭିଭାବକ, ପ୍ରଶାସକ ଏବଂ ସହାୟକ କର୍ମଚାରୀଙ୍କୁ ଧନ୍ୟବାଦ, ଏଲଓପି ମଧ୍ୟ ଟ୍ୱିଟରେ ଲେଖିଛନ୍ତି।
