ଓଲା, ଉବେର୍ କୁ ନୋଟିସ୍‌

ଭୁବନେଶ୍ୱର: ଓଲା, ଉବେରକୁ କାରଣ ଦର୍ଶାଅ ନୋଟିସ୍ । ନୋଟିସ୍ ଜାରି କଲା ଉପଭୋକ୍ତା ମନ୍ତ୍ରାଳୟ । ଭିନ୍ନ ଭିନ୍ନ ମଡେଲ ଫୋନରେ ରହିଛି ଭିନ୍ନ ଦର । ଆଇଫୋନ୍ ଓ ଆଣ୍ଡ୍ରଏଡରେ ଭିନ୍ନ ଭିନ୍ନ ଦର ଦେଖାଉଛି । ଏହାକୁ ନେଇ ନୋଟିସ୍ ଜାରି କରିଛି ଉପଭୋକ୍ତା ମନ୍ତ୍ରାଳୟ । ଜବାବ ରଖିବା ପାଇଁ ଉଭୟ କ୍ୟାବ୍ ସଂସ୍ଥାକୁ ନୋଟିସ୍ ଜାରି ହୋଇଛି । ଉପଭୋକ୍ତା ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ କହିଛନ୍ତି ଯେ ଗ୍ରାହକ ସୁରକ୍ଷା ପ୍ରାଧିକରଣ କ୍ୟାବ ଏଗ୍ରିଗେଟର ଓଲା ଏବଂ ଉବେରକୁ ନୋଟିସ ଜାରି କରି ପଚରାଯାଇଛି କି, ଆଇଓଏସ ଏବଂ ଆଣ୍ଡ୍ରଏଡରେ ଉଭୟ କମ୍ପାନୀର କ୍ୟାବ ବୁକିଂ ପାଇଁ ମୂଲ୍ୟ ଅଲଗା ଅଲଗା ଦେବାକୁ କାହିଁକି ପଡୁଛି । ମୂଲ୍ୟରେ ଏମିତି ପାର୍ଥକ୍ୟ କାହିଁକି? ବାସ୍ତବରେ, ଏହା ଜଣାପଡିଛି ଯେ ଯେତେବେଳେ ଆଣ୍ଡ୍ରଏଡ୍ ଏବଂ ଆଇଫୋନରେ ଏକ ସ୍ଥାନରୁ ଓଲା-ଉବର ଟ୍ୟାକ୍ସି ବୁକ୍ ହୁଏ, ଆଣ୍ଡ୍ରଏଡ୍ ଫୋନର ମୂଲ୍ୟ ବହୁତ କମ୍ ହୋଇଥାଏ ଏବଂ ଯେତେବେଳେ ଆଇଫୋନ୍ ମାଧ୍ୟମରେ ବୁକ୍ ହୁଏ, ଟ୍ୟାକ୍ସିର ମୂଲ୍ୟ ଅଧିକ ଦେଖାଯାଏ । ଯାହାକୁ ନେଇ ଉପଭୋକ୍ତା ମନ୍ତ୍ରାଳୟ ନୋଟିସ୍ ଜାରି କରିଛି ।