ଭାରତ ସରକାରଙ୍କ ନୂଆ ମାଗଣା ଟୋଲ୍ ପାସ୍ ନିୟମ

ନୂଆଦିଲ୍ଲୀ: ବାର୍ଷିକ ଏବଂ ୧୫ ବର୍ଷ ପାଇଁ ଜୀବନବ୍ୟାପୀ ମାଗଣା ଟୋଲ୍ ପାସ୍ ଯଥାକ୍ରମେ ୩୦୦୦ ଟଙ୍କା ଏବଂ ୩୦,୦୦୦ ଟଙ୍କାରେ ଉପଲବ୍ଧ ହେବ । ଏହି ଯୋଜନା କାର୍ଯ୍ୟକାରୀ ହେବା ପରେ, ଜାତୀୟ ରାଜପଥରେ ଯାତ୍ରା କରୁଥିବା ଲକ୍ଷ ଲକ୍ଷ ଯାତ୍ରୀ ସିଧାସଳଖ ଲାଭ ପାଇବେ । ରିପୋର୍ଟ ଅନୁଯାୟୀ, ଏହି ନୂତନ ନିୟମ ପରେ ଟୋଲ୍ ପ୍ଲାଜାରେ ଭିଡ଼ ମଧ୍ୟ ହ୍ରାସ ପାଇବ । କେନ୍ଦ୍ର ସରକାର ଖୁବ୍ ଶୀଘ୍ର ଭାରତର ଟୋଲ୍ ଗେଟ୍ ଗୁଡ଼ିକରେ ବାର୍ଷିକ କିମ୍ବା ଜୀବନବ୍ୟାପୀ ଟୋଲ୍ ପାସ୍ ସୁବିଧା ଆରମ୍ଭ କରିବାକୁ ଯାଉଛନ୍ତି । କେନ୍ଦ୍ର ସରକାରଙ୍କ ପ୍ରସ୍ତାବ ଅନୁଯାୟୀ, ଯାତ୍ରୀମାନେ ମାସିକ ମାତ୍ର ୩୦୦୦ ଟଙ୍କାରେ ଟୋଲ୍ ପାସ୍ ମାଧ୍ୟମରେ ଯାତ୍ରା କରିବାର ସୁବିଧା ପାଇବେ । ରିପୋର୍ଟ ଅନୁସାରେ, ଏହି ପ୍ରସ୍ତାବ ସଡ଼କ ପରିବହନ ମନ୍ତ୍ରଣାଳୟ ସହିତ ଶେଷ ପର୍ଯ୍ୟାୟରେ ଅଛି । ଏ ସମ୍ପର୍କରେ, ମନ୍ତ୍ରଣାଳୟ ପ୍ରତି କିଲୋମିଟର କାର ପାଇଁ ଟୋଲ୍ ହାର ହ୍ରାସ କରିବା ବିଷୟରେ ବିଚାର କରୁଛି । ଏହା ରାଜପଥରେ ଯାତାୟାତ କରୁଥିବା ଲୋକଙ୍କୁ ମାନସିକ ଶାନ୍ତି ପ୍ରଦାନ କରିବ। ଭାରତରେ ଟୋଲ୍ ଗେଟ୍ ପାଇଁ ଏହି ନୂତନ ପାସ୍ ପାଇଁ କୌଣସି ନୂତନ କାର୍ଡ କିଣିବାର ଆବଶ୍ୟକତା ନାହିଁ । ଏହା ଫାଷ୍ଟ୍ୟାଗ୍ ସହିତ ଲିଙ୍କ୍ ହେବ ବୋଲି ରିପୋର୍ଟରେ କୁହାଯାଇଛି । ପ୍ରତି ୬୦ କିଲୋମିଟରରେ ଏକ ଟୋଲ୍ ଗେଟ୍ ଅଛି । ଏହି ଟୋଲ୍ ଗେଟ୍‌ଗୁଡ଼ିକରେ ନିର୍ଦ୍ଧାରିତ ପରିମାଣ ଦେବା ପରେ ହିଁ ଆପଣ ଆଗକୁ ବଢ଼ିପାରିବେ । କିନ୍ତୁ ଏବେ କେନ୍ଦ୍ର ସଡ଼କ ପରିବହନ ଏବଂ ରାଜପଥ ବିଭାଗ ଦ୍ୱାରା ନିଆଯାଇଥିବା ନିଷ୍ପତ୍ତି ସମସ୍ତ ଗାଡ଼ି ଚାଳକଙ୍କୁ ମାନସିକ ଶାନ୍ତି ପ୍ରଦାନ କରିବ । ବର୍ତ୍ତମାନ, ଟୋଲ୍ ପ୍ଲାଜାଗୁଡ଼ିକରେ ମାସିକ ପାସ୍ ଉପଲବ୍ଧ । ଏହି ମାସିକ ପାସ୍ ମାସିକ ୩୪୦ ଟଙ୍କାରେ ଉପଲବ୍ଧ ହେଲେ, ବାର୍ଷିକ ଶୁଳ୍କ ୪,୦୮୦ ଟଙ୍କା । କିନ୍ତୁ, ଏବେ ସମଗ୍ର ଜାତୀୟ ରାଜପଥ ନେଟୱାର୍କରେ ଅସୀମିତ ଯାତ୍ରା ପାଇଁ ଏହାକୁ ୩୦୦୦ ଟଙ୍କାକୁ ହ୍ରାସ କରାଗଲେ ଶହ ଶହ ଯାତ୍ରୀ ଉପକୃତ ହେବେ । କେନ୍ଦ୍ର ସଡ଼କ ପରିବହନ ମନ୍ତ୍ରୀ ନୀତିନ ଗଡକରୀ କହିଛନ୍ତି ଯେ, ଯାନବାହନ ମାଲିକମାନେ ଯେପରି ଶାନ୍ତିପୂର୍ଣ୍ଣ ଭାବରେ ସେମାନଙ୍କର ଯାନବାହନ ଚଲାଇବେ ତାହା ନିଶ୍ଚିତ କରିବା ପାଇଁ ଯୋଜନା କରାଯାଉଛି । ଟୋଲ୍ ପ୍ଲାଜାରେ ପାସ୍ ଯୋଜନା ଉପରେ ବିଚାର ବିମର୍ଶ ଚାଲିଛି ।