ସନ୍ଧ୍ୟା ୬ଟାରେ ବିଜେପି କର୍ମୀଙ୍କୁ ସମ୍ବୋଧିତ କରିବେ ମୋଦୀ!

ବିହାର: ବିହାର ବିଧାନସଭା ନିର୍ବାଚନରେ ​​୨୪୩ ଆସନ ପାଇଁ ଭୋଟ ଗଣତି ଚାଲିଛି। ବିହାରରେ ଏନଡିଏର ବିପୁଳ ବିଜୟ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସନ୍ଧ୍ୟା ପ୍ରାୟ ୬ଟା ସମୟରେ ବିଜେପି ମୁଖ୍ୟାଳୟରେ ପହଞ୍ଚିବା ନେଇ ସୂଚନା ମିଳିଛି। ବିହାର ନିର୍ବାଚନରେ ଏନଡିଏର ବିଜୟ ପରେ ପ୍ରଧାନମନ୍ତ୍ରୀ ଦଳୀୟ କର୍ମୀମାନଙ୍କୁ ସମ୍ବୋଧିତ କରିବାର ଆଶା କରାଯାଉଛି। ନିର୍ବାଚନ କମିଶନଙ୍କ ସଦ୍ୟତମ ରିପୋର୍ଟ ଆନୁସାରେ ଏନଡିଏ ୧୯୦ରୁ ଅଧିକ ଆସନରେ ଆଗୁଆ ରହିଛି। ଏହି ସମୟରେ ପ୍ରଶାନ୍ତ କିଶୋରଙ୍କ ଜନସୁରାଜ ପାର୍ଟିରୁ ଗୋଟିଏ ବି ଆସନରେ ଆଗୁଆ ନାହାନ୍ତି। ଏହାର ଅର୍ଥ ହେଉଛି ପ୍ରଶାନ୍ତ କୁମାର ତାଙ୍କ ଡେବ୍ୟୁ ମ୍ୟାଚ୍‌ରେ କ୍ଲିନ୍ ବୋଲ୍ଡ ହୋଇଛନ୍ତି। ବିଜେପି ୮୭ଟି ଆସନରେ, ଜେଡିୟୁ ୭୫ଟି ଆସନରେ ଏବଂ ଆରଜେଡି ୩୫ଟି ଆସନରେ ଆଗୁଆ ଅଛି। ବିହାର ବିଧାନସଭା ନିର୍ବାଚନରେ ​​ଏନଡିଏର ଦୃଢ଼ ନେତୃତ୍ୱ ନେଇ ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା ଖୁସି ପ୍ରକାଶ କରିଛନ୍ତି। ସେ କହିଛନ୍ତି ଯେ ବିହାରର ବିଜୟ ବିଶ୍ୱାସ ଉପରେ ଆଧାରିତ ବିକାଶର ବିଜୟକୁ ପ୍ରତିନିଧିତ୍ୱ କରେ। ବିହାରର ଜନସାଧାରଣଙ୍କୁ ଅଭିନନ୍ଦନ। ରେଖା ଗୁପ୍ତା ବିହାର ନିର୍ବାଚନ ପାଇଁ ବିଜେପିର ଷ୍ଟାର ପ୍ରଚାରକମାନଙ୍କ ମଧ୍ୟରେ ମଧ୍ୟ ଥିଲେ ଏବଂ ବିହାରରେ ପ୍ରଚାର କରିଥିଲେ।