ପରିଚୟ ପଚାରି ଯାତ୍ରୀଙ୍କୁ ହତ୍ୟା କଲେ ଦୁର୍ବୃତ୍ତ

ନୂଆଦିଲ୍ଲୀ: ପାକିସ୍ତାନର ବେଲୁଚିସ୍ତାନ ପ୍ରଦେଶରେ ଏକ ଭୟଙ୍କର ଘଟଣାରେ, ସଶସ୍ତ୍ର ଆକ୍ରମଣକାରୀମାନେ ଲାହୋର ଯାଉଥିବା ଏକ ବସ୍‌କୁ ଅଟକାଇ ୯ ଜଣ ଯାତ୍ରୀଙ୍କୁ ଅପହରଣ କରି ହତ୍ୟା କରିଛନ୍ତି। ଏହି ଘଟଣା ଝୋବ ଅଞ୍ଚଳର N-୪୦ ରାଜପଥରେ ଘଟିଛି।  ବସ୍‌ଟି କ୍ୱେଟାରୁ ଲାହୋର ଯାଉଥିଲା। ଅପହରଣ ଘଟଣାର ପ୍ରାୟ ଦେଢ଼ ଘଣ୍ଟା ପରେ ନିକଟବର୍ତ୍ତୀ ପାହାଡିଆ ଅଞ୍ଚଳରେ ଏକ ପୋଲ ତଳେ ମୃତକଙ୍କ ମୃତଦେହ ମିଳିଥିଲା। ମୃତକମାନେ ମୁଖ୍ୟତଃ ମଣ୍ଡି ବାହାଉଦ୍ଦିନ, ଗୁଜରାନୱାଲା ଏବଂ ୱାଜିରାବାଦର ବାସିନ୍ଦା ବୋଲି ଚିହ୍ନଟ ହୋଇଥିଲେ। ସ୍ଥାନୀୟ ପ୍ରଶାସନ ଅନୁଯାୟୀ, ସମସ୍ତଙ୍କୁ ନିକଟରୁ ଗୁଳି କରାଯାଇଥିଲା। ଡେପୁଟି କମିଶନର ହବିବୁଲ୍ଲା ମୁସାଖେଲ କହିଛନ୍ତି ଯେ ଆକ୍ରମଣକାରୀଙ୍କ ସଂଖ୍ୟା ୧୦ ରୁ ୧୨ ଥିଲା। ସେଠାକାର ଜଣେ ଅଧିକାରୀ କହିଛନ୍ତି ସଶସ୍ତ୍ର ଆକ୍ରମଣକାରୀମାନେ ପ୍ରଥମେ ଯାତ୍ରୀଙ୍କ ପରିଚୟପତ୍ର ଦେଖି ୯ ଜଣଙ୍କୁ ବସ୍‌ରୁ ଓହ୍ଲାଇବାକୁ କହିଥିଲେ ଏବଂ ଗୁଳି କରି ହତ୍ୟା କରିଥିଲେ। ଆଲାମ କହିଛନ୍ତି ଯେ ଏହି ସମସ୍ତ ଲୋକ ପଞ୍ଜାବ ପ୍ରଦେଶର ବିଭିନ୍ନ ଅଞ୍ଚଳରୁ ଆସିଥିଲେ। ଆମେ ସମସ୍ତ ନଅ ଜଣଙ୍କ ମୃତଦେହ ପୋଷ୍ଟମର୍ଟମ୍ ପାଇଁ ପଠାଇଛୁ।