ମୁମ୍ବାଇ: ଗତକାଲି ରାତି ପ୍ରାୟ ୨ଟା ସମୟରେ ନଭି ମୁମ୍ବାଇର ଭାସି ଅଞ୍ଚଳରେ ଏକ କୋଠାରେ ଭୟଙ୍କର ଅଗ୍ନିକାଣ୍ଡ ଘଟିଛି। ଅଗ୍ନିକାଣ୍ଡରେ ୪ ଜଣ ଜୀବନ୍ତ ଦଗ୍ଧ ହୋଇଯାଇଛନ୍ତି। ସୂଚନା ଅନୁଯାୟୀ, ଭାସିର ରାହେଜା କମ୍ପ୍ଲେକ୍ସରେ ଅଗ୍ନିକାଣ୍ଡ ଘଟିଛି। ଘରେ ଶୋଇଥିବା ଚାରି ଜଣ ଜୀବନ୍ତ ଦଗ୍ଧ ହୋଇଯାଇଛନ୍ତି। ଏହି ଘଟଣା ନଭି ମୁମ୍ବାଇର ଭାସିରେ ଅବସ୍ଥିତ ରାହେଜା କମ୍ପ୍ଲେକ୍ସରେ ରାତି ୨ଟା ସମୟରେ ଘଟିଛି। ଅଗ୍ନିକାଣ୍ଡରେ ତିନୋଟି ଫ୍ଲାଟ ପ୍ରଭାବିତ ହୋଇଛି। ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଜଣାପଡିନାହିଁ ଏବଂ ଏହି ଘଟଣାର ତଦନ୍ତ ଆରମ୍ଭ କରାଯାଇଛି।
ରିପୋର୍ଟ ଅନୁଯାୟୀ, ମଙ୍ଗଳବାର ସକାଳେ ଏକ ଭୟଙ୍କର ଅଗ୍ନିକାଣ୍ଡରେ ଜଣେ ଛଅ ବର୍ଷର ଝିଅ ସମେତ ଚାରି ଜଣଙ୍କର ମୃତ୍ୟୁ ଘଟିଛି ଏବଂ ପ୍ରାୟ ୧୧ ଜଣ ଆହତ ହୋଇଛନ୍ତି। ମୃତକଙ୍କ ନାମ ବୈଦିକ ବାଳକୃଷ୍ଣ (୬), କମଲ ହୀରାଲାଲ ଜୈନ (୮୪), ସୁନ୍ଦର ବାଳକୃଷ୍ଣ (୪୬) ଏବଂ ପୂଜା ରାଜନ (୩୯) ବୋଲି ଚିହ୍ନଟ କରାଯାଇଛି। ଏଗାର ଜଣ ଆହତ ହୋଇଛନ୍ତି ଏବଂ ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଏନଏମଏମସି ମୁଖ୍ୟ ଅଗ୍ନିଶମ ଅଧିକାରୀ ପୁରୁଷୋତ୍ତମ ଜାଧବ କହିଛନ୍ତି ଯେ ଉଦ୍ଧାର କାର୍ଯ୍ୟ ସମୟରେ ଚାରି ଜଣଙ୍କର ମୃତ୍ୟୁ ହୋଇଥିବା ବେଳେ ପ୍ରାୟ ୧୦ ରୁ ୧୫ ଜଣଙ୍କୁ ସୁରକ୍ଷିତ ଭାବରେ ବାହାର କରାଯାଇଛି।
