ଆସନ୍ତୁ ଜାଣିବା କାହିଁକି ବିନ୍ଧେ ଗୋଡ଼ ?

ଭୁବନେଶ୍ୱର : ଅନେକ ସମୟରେ ଲୋକଙ୍କର ଗୋଡ଼ ରାତିରେ ଶୋଇବା ବେଳେ ବିନ୍ଧେ। ଏହା କିଛି ଲୋକମାନଙ୍କ ସହିତ ସକାଳ ସମୟରେ ମଧ୍ୟ ହୋଇଥାଏ । ଏହାର ଉପଶମ ପାଇଁ ଅନେକ ପ୍ରକାର ଉପାୟ ଆପଣାଇଲେ ମଧ୍ୟ ଏହି ଯନ୍ତ୍ରଣାରୁ ମୁକ୍ତି ମିଳି ନଥାଏ । ଏକ ରିପୋର୍ଟ ଅନୁଯାୟୀ ଯେତେବେଳେ ଆମେ ଗୋଟିଏ ଘର ଭିତରେ ଅଧିକ ସମୟ ରହିଯାଉ ସୂର୍ଯ୍ୟଙ୍କ କିରଣ ଆମ ଉପରେ ପଡିନଥାଏ । ଖାଦ୍ୟରୁ ମଧ୍ୟ ଉପଯୁକ୍ତ ଭିଟାମିନ୍ ଡି ହ୍ରାସ ପାଇବାରୁ ଶରୀରରେ ଥିବା କ୍ୟାଲିସୟମକୁ ଆମର ହାଡ଼ ଅବଶୋଷଣ କରିପାରେ ନାହିଁ । ଏଭଳି ସ୍ଥିତିରେ ହାଡ଼ ସହିତ ଜଡିତ ସମସ୍ୟା ଦେଖାଯାଇଥାଏ ଏବଂ ଫ୍ରାକଚର ହେବାର ଆଶଙ୍କା ବଢିଯାଇଥାଏ । ସୂର୍ଯ୍ୟକିରଣରେ ସବୁଠାରୁ ଅଧିକ ଭିଟାମିନ୍-ଡି ମିଳିଥାଏ ବୋଲି ସମସ୍ତେ ଜାଣନ୍ତି। ଏହାକୁ ସନଲାଇଟ୍ ଭିଟାମିନ୍ ବୋଲି ମଧ୍ୟ କୁହାଯାଏ । ହାଡ ଏବଂ ମାଂସପେଶୀ ପାଇଁ ଭିଟାମିନ୍ ଡି ଗୁରୁତ୍ୱପୂର୍ଣ୍ଣ ଏବଂ ଏଥିରେ ଆଣ୍ଟି-ଇନଫ୍ଲାମେଟୋରୀ ଗୁଣ ରହିଛି ଯାହା ଗଣ୍ଠି ଯନ୍ତ୍ରଣାରୁ ମୁକ୍ତି ଦେଇଥାଏ। ଅନୁସନ୍ଧାନରୁ ଏହା ମଧ୍ୟ ଜଣାପଡିଛି ଯେ ଭିଟାମିନ୍ ଡି ଅଭାବରୁ ରିମାଟଏଡ୍ ଆର୍ଥ୍ରାଇଟିସ୍ ହୋଇପାରେ, ଯାହା ଏକ କ୍ରନିକ୍ ରୋଗ। ଯେତେବେଳେ ଏହା ଘଟେ, ଅଣ୍ଟା, ଆଣ୍ଠୁ, ପାଦରେ ବହୁତ ଫୁଲା ଏବଂ ଯନ୍ତ୍ରଣା ହୁଏ। ଭିଟାମିନ୍ ଡି ଅଭାବର ଲକ୍ଷଣ : ଯେଉଁମାନଙ୍କର ଶରୀରରେ ଭିଟାମିନ୍ ଡ଼ି ଅଭାବ ଥାଏ, ସେମାନଙ୍କ ରୋଗ ପ୍ରତିରୋଧକ ଶକ୍ତି ମଧ୍ୟ ବହୁତ ଦୁର୍ବଳ ଅଟେ। ଯେଉଁଥିପାଇଁ ସେମାନେ ବାରମ୍ବାର ଅସୁସ୍ଥ ହୋଇପଡନ୍ତି ଏବଂ ସବୁବେଳେ ଥଣ୍ଡା ଏବଂ କାଶର ସମସ୍ୟା ଦେଖାଯାଏ। ଯଦି ଆପଣ ସବୁବେଳେ କ୍ଳାନ୍ତ ଅନୁଭବ କରୁଛନ୍ତି, ତେବେ ଏହା ମଧ୍ୟ ଭିଟାମିନ୍ ଡି ଅଭାବର ଲକ୍ଷଣ ହୋଇପାରେ। ପ୍ରକୃତରେ ଭିଟାମିନ୍ ଡି ଶରୀରରେ ବଳକୁ ପ୍ରଭାବିତ କରିଥାଏ। ଯଦି ଏହା ହ୍ରାସ ପାଏ, ଆପଣ ଭିଟାମିନ୍ ଡି ପରୀକ୍ଷା କରିପାରିବେ। ଭିଟାମିନ୍ ଡ଼ି ର ଅଭାବ ହେତୁ, ଆପଣ ନିଜକୁ କମଜୋର ଅନୁଭବ କରନ୍ତି ଏବଂ ଏହି ସମସ୍ୟା ଉଦାସୀନତାକୁ ଯାଇପାରେ। ଏହା ଆପଣଙ୍କ ମାନସିକ ସ୍ୱାସ୍ଥ୍ୟ ଉପରେ ମଧ୍ୟ ଅନେକ ପ୍ରଭାବ ପକାଇପାରେ। ଭିଟାମିନ୍ ଡ଼ି ର ଅଭାବ କେଶ ଝାଡିବାରେ ଲାଗିଥାଏ। ଏହି ପରିସ୍ଥିତିରେ, ଆପଣଙ୍କ ଖାଦ୍ୟରେ ଭିଟାମିନ୍ ଡି ସାମିଲ କରନ୍ତୁ।
ସମାଧାନ
ଆପଣ ନିଜର ଡାକ୍ତରଙ୍କ ସହିତ ଯୋଗାଯୋଗ କରିବା ଏବଂ ଭିଟାମିନ୍ ଡ଼ି ପରୀକ୍ଷା କରିବା ଉଚିତ୍।
ଖରାଦିନେ କିଛି ସମୟ ସୂର୍ଯ୍ୟ ଆଲୋକରେ ସମୟ ଅତିବାହିତ କରନ୍ତୁ।
ଏକ ଭିଟାମିନ୍ ଡ଼ି ସପ୍ଲିମେଣ୍ଟ ନିଅନ୍ତୁ।
ଖାଦ୍ୟରେ ଭିଟାମିନ୍ ଡି ସମୃଦ୍ଧ ଖାଦ୍ୟ ସାମିଲ କରନ୍ତୁ।