ଭୁବନେଶ୍ୱର: ବଡମାନଙ୍କ ପାଦ ଛୁଇଁବା ଏକ ପରମ୍ପରା ନୁହେଁ, ଏହା ପଛରେ ଅନେକ ଗଭୀର ରହସ୍ୟ ଲୁଚି ରହିଛି । ଆସନ୍ତୁ ଜାଣିବା ବଡମାନଙ୍କ ପାଦ ସ୍ପର୍ଶ ସହିତ ଜଡିତ ଶାସ୍ତ୍ରୀୟ ଗୁପ୍ତ କଥା ଏବଂ ଜୀବନରେ ଏହାର ଚମତ୍କାର ପ୍ରଭାବ କଣ ରହିଛି । ଭାରତୀୟ ସଂସ୍କୃତିରେ ବୟସ୍କମାନଙ୍କ ପାଦ ଛୁଇଁବା ଏକ ପରମ୍ପରା କିନ୍ତୁ ଏହା ଏକ ରହସ୍ୟମୟ ଏବଂ ଶକ୍ତିଶାଳୀ ଆଧ୍ୟାତ୍ମିକ ପରମ୍ପରା ମଧ୍ୟ । ପାଦ ସ୍ପର୍ଶ କରିବା ନମ୍ରତାର ପ୍ରତୀକ ତତ୍ ସହିତ ଏହା ଏକ ସକାରାତ୍ମକ ଶକ୍ତି, ସଂସ୍କାର ଏବଂ ଆଶୀର୍ବାଦ ମଧ୍ୟ ଅଟେ ।
ବୃହତ୍ତ ପରାଶର ହୋରା ଶାସ୍ତ୍ର ଏବଂ ଗରୁଡ ପୁରାଣରେ ଉଲ୍ଲେଖ ଅଛି ଯେ ଯେତେବେଳେ କେହି ଜଣେ ଜ୍ଞାନୀ ବ୍ୟକ୍ତି କିମ୍ବା ବୟସ୍କ ବ୍ୟକ୍ତିଙ୍କ ପାଦକୁ ସମ୍ମାନର ସହିତ ସ୍ପର୍ଶ କରନ୍ତି, ସେତେବେଳେ ତାଙ୍କ ଭିତରେ ସକାରାତ୍ମକ ଶକ୍ତି ପ୍ରବାହିତ ହୁଏ । ଏହି ଶକ୍ତି ତାଙ୍କ ମନକୁ ଶାନ୍ତ କରେ ଏବଂ ତାଙ୍କ ଆତ୍ମାକୁ ପବିତ୍ର କରିଥାଏ । ମନୁ ସ୍ମୃତିରେ କୁହାଯାଇଛି ଯେ ଗୁରୁ କିମ୍ବା ବୃଦ୍ଧଙ୍କ ଆଶୀର୍ବାଦ ବ୍ୟକ୍ତିର ପାପକୁ ନଷ୍ଟ କରିଥାଏ ଏବଂ ଶୁଭ ରୀତିକୁ ଦୃଢ କରିଥାଏ । ପାଦ ସ୍ପର୍ଶ କରିବା ନମ୍ରତାର ଏକ ଲକ୍ଷଣ ଯାହା ଅହଂକାରକୁ ନଷ୍ଟ କରେ । ଯେତେବେଳେ ଜଣେ ବ୍ୟକ୍ତି ଭକ୍ତିର ସହିତ ପାଦ ସ୍ପର୍ଶ କରନ୍ତି, ତାଙ୍କର ମସ୍ତିଷ୍କ ତରଙ୍ଗ ଗୁରୁଙ୍କ ଶକ୍ତି ସହ ଧକ୍କା ହୁଏ, ଯାହାଫଳରେ ମନର ସଚେତନତା ବୃଦ୍ଧି ପାଏ । ଏହା ଆଧ୍ୟାତ୍ମିକ ପ୍ରଗତି ପାଇଁ ଦ୍ୱାର ଖୋଲିଦିଏ ।
ଉପନିଷେଦ ଅନୁସାରେ, ପାଦ ସ୍ପର୍ଶ କରିବା ପ୍ରକୃତରେ ହେଉଛି ଆତ୍ମାକୁ ଆତ୍ମାର ସମର୍ପଣ । ଏହି କାର୍ଯ୍ୟ ବ୍ୟକ୍ତିକୁ ଗୁରୁ ତତ୍ତ୍ୱ ସହିତ ସଂଯୋଗ କରେ, ଯାହା ମୋକ୍ଷ ପଥରେ ପ୍ରବେଶ କରିବାର ଚାବିକାଠି। ଜ୍ୟୋତିଷ ଦୃଷ୍ଟିକୋଣରୁ, ପାଦ ସ୍ପର୍ଶ କରିବା ଦ୍ୱାରା ଶନି, ବୃହସ୍ପତି ଏବଂ ଚନ୍ଦ୍ରଙ୍କର ଶୁଭଫଳ ମିଳିଥାଏ। ଶନି ଗ୍ରହ ହେଉଛି ଶୃଙ୍ଖଳା ଏବଂ ନମ୍ରତାର ଗ୍ରହ, ବୃହସ୍ପତି ହେଉଛନ୍ତି ଜ୍ଞାନର ଗ୍ରହ ଏବଂ ଚନ୍ଦ୍ର ହେଉଛନ୍ତି ମାନସିକ ଶାନ୍ତିର ଗ୍ରହ। ଏହି ତିନି ଜଣଙ୍କ କୃପା ଜୀବନରେ ସନ୍ତୁଳନ, ଜ୍ଞାନ ଏବଂ ସୌଭାଗ୍ୟ ଆଣିଥାଏ। ଛାନ୍ଦୋଗ୍ୟ ଉପନିଷଦ ଏବଂ ନାରଦ ସଂହିତା ମଧ୍ୟ ସକାରାତ୍ମକ ରହିବା ପାଇଁ ପାଦ ସ୍ପର୍ଶକୁ ଏକ ଭଲ ଅଭ୍ୟାସ ଭାବରେ ଉଲ୍ଲେଖ କରିଛନ୍ତି।
