କେରଳରେ ଭୂସ୍ଖଳନ ଘଟଣା : ନିଖୋଜ ଡାକ୍ତର ବିଷ୍ଣୁପ୍ରସାଦ ମୃତ

କେରଳ : ନିଖୋଜ ଥିବା ଓଡିଆ ଡାକ୍ତର ମୃତ । ଡାକ୍ତର ବିଷ୍ଣୁପ୍ରସାଦ ଚିନ୍ନାରାଙ୍କ ମୃତଦେହ ଉଦ୍ଧାର ହୋଇଛି । ସ୍ଥାନୀୟ ପୁଲିସ ଡାକ୍ତରଙ୍କ ମୃତଦେହ ଚିହ୍ନଟ କରିଛି । ଦୁଇ ଜମ ଡାକ୍ତର ମେଡିକାଲରେ ଚିକିତ୍ସିତ ଅଛନ୍ତି । ଡାକ୍ତର ସ୍ୱୀକୃତି ମହାପାତ୍ର ଓ ଡାକ୍ତର ପ୍ରିୟଦର୍ଶିନୀ ଚିକିତ୍ସିତ ଅଛନ୍ତି । ତେବେ ଏବେ ବି ନିଖୋଜ ଅଛନ୍ତି ଡାକ୍ତର ସ୍ୱାଧୀନ ପଣ୍ଡା । ସୂଚନା ଅନୁଯାୟୀ, କେରଳର ୱାୟନାଡ୍‌ ଜିଲାରେ ମଙ୍ଗଳବାର ପ୍ରବଳ ବର୍ଷା ଯୋଗୁଁ ଚାରି ଘଣ୍ଟା ବ୍ୟବଧାନରେ ତିନି ଥର ଭୂସ୍ଖଳନ ଘଟିଥିଲା । କେରଳରେ ଭୟଙ୍କର ଭୂସ୍ଖଳନରେ ନିଖୋଜ ଥିଲେ ଦୁଇ ଓଡ଼ିଆ ଡାକ୍ତର । ନିଖୋଜ ଡାକ୍ତର ହେଲେ ଚୌଦ୍ୱାର ଅଞ୍ଚଳର ଡାକ୍ତର ବିଷ୍ଣୁ ପ୍ରସାଦ ଚିନାର ଓ ଡାକ୍ତର ସ୍ୱାଧୀନ ପଣ୍ଡା । ଉଭୟ ଭୂସ୍ଖଳନରେ ନିଖୋଜ ଥିଲେ । ଚୌଦ୍ୱାର ହାଉସିଂ ବୋର୍ଡର ବାସିନ୍ଦା ତଥା ହାଇଟେକ୍‌ ମେଡିକାଲର ମେଡିସିନ ଡାକ୍ତର ବିଷ୍ଣୁ ପ୍ରସାଦ ଓ ତାଙ୍କ ପତ୍ନୀ ୱାୟନାଡରେ ଥିଲେ ।