ପଞ୍ଚମ ମହଲାରୁ ପଡି ଶ୍ରମିକ ମୃତ

ନୂଆଦିଲ୍ଲୀ: ପଞ୍ଚମ ମହଲାରୁ ପଡି ଜଣେ ଶ୍ରମିକଙ୍କ ମୃତ୍ୟୁ ଘଟିଛି । ଅନ୍ୟ ଜଣେ ଗୁରୁତର ଆହତ ହୋଇଛନ୍ତି । ଏଭଳି ଘଟଣା ଦିଲ୍ଲୀ ସଂଲଗ୍ନ ଗୁରୁଗ୍ରାମରେ ଘଟିଛି । ପୋଲିସ ଘଟଣାସ୍ଥଳରେ ପହଞ୍ଚି ଦୁଇ ଜଣ ଠିକାଦାରଙ୍କ ବିରୁଦ୍ଧରେ ଅଭିଯୋଗ କରାଯାଇଛି ।ମୃତକ ଉତ୍ତର ପ୍ରଦେଶର କାଲେସର ଗାଁର ବାସିନ୍ଦା ବୋଲି ଚିହ୍ନଟ ହୋଇଥିବା ବେଳେ ଆହତଙ୍କ ନାମ ରଣ ବିଜୟ ବୋଲି ଚିହ୍ନଟ କରାଯାଇଛି। ନିଷାଦଙ୍କ ଭାଇ ଆକାଶଙ୍କ ଅଭିଯୋଗ ଅନୁଯାୟୀ, ମଙ୍ଗଳବାର ଦିନ ତାଙ୍କ ଭାଇ ରଣ ବିଜୟଙ୍କ ସହିତ ସେକ୍ଟର ୪୨ରେ ଏକ କୋଠାର କାନ୍ଥ ରଙ୍ଗ କରିବାକୁ ଯାଇଥିଲେ। ତାଙ୍କ ଅଭିଯୋଗରେ ଆକାଶ ଦର୍ଶାଇଛନ୍ତି ଯେ ଠିକାଦାର ଅତୁଲ କୋଠାର ରଙ୍ଗ କରିବାର ଠିକା ନେଇଥିଲେ ଏବଂ ଏହାକୁ ତାଭ୍ରେଜ ଆଲାମଙ୍କୁ ଦେଇଥିଲେ। ଠିକାଦାର ଅତୁଲ ଏବଂ ତାଭ୍ରେଜ ଆଲାମ ଶ୍ରମିକମାନଙ୍କୁ ସୁରକ୍ଷା ଉପକରଣ ଯୋଗାଇବାରେ ବିଫଳ ହୋଇଥିଲେ, ଯାହା ଫଳରେ ତାଙ୍କ ଭାଇର ମୃତ୍ୟୁ ଘଟିଥିଲା। ଅଭିଯୋଗ ପରେ, ପୋଲିସ ଉଭୟ ଠିକାଦାରଙ୍କ ବିରୋଧରେ ମାମଲା ରୁଜୁ କରିଛି। ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ଯେ ତଦନ୍ତ ଚାଲିଛି ଏବଂ ଅଭିଯୁକ୍ତଙ୍କୁ ଖୁବ୍ ଶୀଘ୍ର ଗିରଫ କରାଯିବ।