ଜଳସେଚନ ଦାବିରେ କୋକସରା ଚାଷୀଙ୍କ ଆନ୍ଦୋଳନ

କୋରାପୁଟ : ଜଳ ସେଚନ ଦାବିରେ ରାସ୍ତା ଅବରୋଧ କରିଛନ୍ତି ଚାଷୀ ।  ଯାତାୟତ ପୁରା ଠପ ହୋଇଯାଇଛି ।  କୋରାପୁଟ କୋକସରା ବ୍ଲକ  ସଚେତନ କୃଷକ ମଞ୍ଚର  ଇନ୍ଦ୍ରାବତୀ ମେଗାଲିଫ୍ଟରୁ ରବି ଫସଲ  ପାଇଁ ଜଳସେଚନ ଦାବିରେ  ଆନ୍ଦେଳନ କରିଛନ୍ତି ।  ମୋଟେର ଛକରେ ଜାତୀୟ ରାଜପଥ ୨୬କୁ କୃଷକ  ସଚେତନ ମଞ୍ଚ ପକ୍ଷରୁ  ଅବରୋଧ କରାଯାଇଛି ।  ଫଳରେ ଭବାନୀପାଟଣାରୁ  ଜୟପୁର ଓ ମୁଖିଗୁଡା  ମଧ୍ୟରେ ଯାତାୟତ ଠପ ହୋଇପଡିଛି । ଘଟଣାସ୍ଥଳରେ କୋକସରା , ଜୟପାଟଣା ତହସିଲଦାର ସମେତ କୋକସରା ପୋଲିସ ଉପସ୍ଥିତ ରହି ଆନ୍ଦୋଳନକାରୀ  ଚାଷୀଙ୍କ  ସହ ଆଲୋଚନା କରୁଛନ୍ତି । ତେବେ ଜଳସେଚନ ଦାବିରେ  ଲିଖିତ ପ୍ରତିଶ୍ରୁତି ନଦେବା ପର୍ଯ୍ୟନ୍ତ  ରାସ୍ତା ଅବରୋଧରୁ  ହଟିବୁ ନାହିଁ  ବୋଲି  ଚାଷୀନେତାମାନେ ଜିଦରେ ଅଡି ବସିଛନ୍ତି ।