ମହାକୁମ୍ଭମେଳା ଯାତ୍ରା ର ସୁବିଧା ସମ୍ପର୍କରେ ଜାଣନ୍ତୁ

ପ୍ରୟାଗରାଜ: ସର୍ବ ବୃହତ ସମାବେଶ – ମହା କୁମ୍ବ ମେଳା – ଜାନୁଆରୀ ୧୩, ୨୦୨୫ ରେ ଉତ୍ତରପ୍ରଦେଶର ପ୍ରୟାଗରାଜ ଠାରେ ଆରମ୍ଭ ହୋଇଛି । ବାର ବର୍ଷରେ ଥରେ ଘଟୁଥିବା ୪୫ ଦିନିଆ କାର୍ଯ୍ୟକ୍ରମ ପାଇଁ ଗଙ୍ଗା, ଯମୁନା ଏବଂ ସରସ୍ୱତୀ ତିନି ପବିତ୍ର ନଦୀର ମିଳନ ସ୍ଥଳରେ ଭାରତ ତଥା ବିଦେଶରୁ ଭକ୍ତମାନେ ଏକ ପବିତ୍ର ବୁଡ଼ ପକାଇବା ପାଇଁ ପହଞ୍ଚିଛନ୍ତି ।  ଯଦି ଆପଣ ମଧ୍ୟ ମହାକୁମ୍ଭର ଆଧ୍ୟାତ୍ମିକ ଯାତ୍ରାକୁ ଗଭୀର ଭାବରେ ଜାଣିବାକୁ ଯୋଜନା କରୁଛନ୍ତି, ତେବେ ଏହି ଶେଷ ମୁହୂର୍ତ୍ତର ଯାତ୍ରା ନିର୍ଦ୍ଦେଶାବଳୀକୁ ଦେଖନ୍ତୁ । ରେଳ, ସଡ଼କ ଏବଂ ବିମାନ ଦ୍ୱାରା ପ୍ରୟାଗରାଜ ରେ ଯାତ୍ରା ଭଲ ଭାବରେ କରିପାରିବେ । ଦିଲ୍ଲୀ, ମୁମ୍ବାଇ, କୋଲକାତା ଏବଂ ବେଙ୍ଗାଲୁରୁରୁ ନିୟମିତ ବିମାନ ଉଡ଼ାଣ ଯାତ୍ରା ସୁବିଧା ରହିଛି। ଆନ୍ତର୍ଜାତୀୟ ଯାତ୍ରୀମାନଙ୍କୁ ଦିଲ୍ଲୀ କିମ୍ବା ବାରାଣାସୀରେ ପହଂଚିବାକୁ ପଡିବ । ସ୍ଥାନଟିର ନିକଟତମ ରେଳ ଷ୍ଟେସନ ହେଉଛି ପ୍ରୟାଗ ଜଙ୍କସନ। ସେଠାରେ ପହଞ୍ଚିବା ପରେ ଆପଣ ଗନ୍ତବ୍ୟସ୍ଥଳକୁ ବସ୍ ଯୋଗେ ଯାଇପାରିବେ । ଉତ୍ତରପ୍ରଦେଶ ରାଜ୍ୟ ସଡକ ପରିବହନ ନିଗମରୁ ବୁକିଂ ଉପଲବ୍ଧ । ଏହା ସହିତ, ଅନେକ ବେସରକାରୀ ଅପରେଟର ମଧ୍ୟ ବସ୍ ସେବା ପ୍ରଦାନ କରନ୍ତି । ଶ୍ରଦ୍ଧାଳୁ ମେଳାରେ ଟେଣ୍ଟ ବାନ୍ଧି ରହିପାରିବେ ଏବଂ ସହର ଭିତରେ ମଧ୍ୟ ରହିପାରିବେ।