ଇତିହାସ ରଚିଲେ ଜାଡ଼େଜା

ନୂଆଦିଲ୍ଲୀ : ନ୍ୟୁଜିଲାଣ୍ଡ ବିପକ୍ଷ ତୃତୀୟ ଟେଷ୍ଟ ମ୍ୟାଚ୍‌ରେ ଭାରତୀୟ ଅଲ୍‌ରାଉଣ୍ଡର୍ ରବୀନ୍ଦ୍ର ଜାଡ଼େଜା ଇତିହାସ ରଚିଛନ୍ତି। ମ୍ୟାଚ୍‌ର ଦ୍ୱିତୀୟ ଦିନ ନ୍ୟୁଜିଲାଣ୍ଡ ଦ୍ୱିତୀୟ ଇନିଂସ୍‌ରେ ମ୍ୟାଟ୍ ହେନ୍‌ରୀଙ୍କ ୱିକେଟ୍ ହାସଲ କରିବା ପରେ ଚଳିତ ବିଶ୍ୱ ଟେଷ୍ଟ ଚାମ୍ପିଅନ୍‌ଶିପ୍ (ଡବ୍ଲ୍ୟୁଟିସି) ୨୦୨୩-୨୫ ସାଇକ୍ଲରେ ନିଜର ୫୦ ୱିକେଟ୍ ପୂରଣ କରିଛନ୍ତି। ଏହା ସହିତ ଡବ୍ଲ୍ୟୁଟିସିର ଚଳିତ ସଂସ୍କରଣରେ ରବିଚନ୍ଦ୍ରନ୍ ଅଶ୍ୱିନ୍‌ଙ୍କ ପରେ ୫୦ ୱିକେଟ୍ ପୂରଣ କରିବାରେ ଦ୍ୱିତୀୟ ଭାରତୀୟ ହୋଇଛନ୍ତି। ଜାଡ଼େଜା ଗତ ଡବ୍ଲ୍ୟୁଟିସି (୨୦୨୧-୨୩)ରେ ୧୩ ମ୍ୟାଚ୍ ମୋଟ ୪୭ ୱିକେଟ୍ ହାସଲ କରିଥିଲେ। ଗତ କିଛି ବର୍ଷ ହେବା ରବୀନ୍ଦ୍ର ଜାଡ଼େଜା କେବଳ ଘରେ ନୁହେଁ ବିଦେଶ ଗସ୍ତରେ ମଧ୍ୟ ଟିମ୍ ଇଣ୍ଡିଆ ପାଇଁ ବ୍ୟାଟ୍ ଓ ବଲ୍‌ରେ ପ୍ରମୁଖ ଭୂମିକା ଗ୍ରହଣ କରିଆସିଛନ୍ତି।