ନୂଆଦିଲ୍ଲୀ : ସିରିଆରେ ଇସ୍ରାଏଲର ବଡ ଆକ୍ରମଣ ହୋଇଛି । ୪୮ ଘଣ୍ଟା ମଧ୍ୟରେ ୪୮୦ ଏୟାରଷ୍ଟ୍ରାଇକ କରିଛି ଆଇଡିଏଫ । ସିରିଆର ବିଭିନ୍ନ ସ୍ଥାନରେ କ୍ଷେପଣାସ୍ତ୍ର ମାଡ କରିଛି ଇସ୍ରାଏଲ । ବିଦ୍ରୋହ ଭିତରେ ସିରିଆରେ ଇସ୍ରାଏଲର ଏହା ସବୁଠାରୁ ବଡ ଆକ୍ରମଣ । ସିରିଆର ମିଲିଟାରି ବେସରେ ମିଜାଇଲ ମାଡ ହୋଇଛି । ସିରିଆର ନୌସେନା ଘାଟି ଉପରେ ଇସ୍ରାଏଲ ଆକ୍ରମଣ କରିଛି । ଅସ୍ତ୍ରଶସ୍ତ୍ର ପ୍ରସ୍ତୁତ ସାଇଟ ଦମାସ୍କସ , ହୋମ୍ସ , ଟର୍ଟସ , ଲାଟିକିଆ , ଲାମେୟାର ଉପରେ ଆକ୍ରମଣ ହୋଇଛି । ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜମିନ ନେତାନ୍ୟାହୁ ସିରିଆକୁ ଧମକ ଦେଇଛନ୍ତି । ଇରାନ ଏବଂ ହିଜବୁଲ୍ଲାକୁ ଅସ୍ତ୍ରଶସ୍ତ୍ର ଯୋଗାଇବା ସିରିଆକୁ ମହଙ୍ଗା ପଡିବ । ଆଇଡିଏଫ କହିଛି ସିରିଆ ନୌସେନାର ଦୁଇଟି କେନ୍ଦ୍ର ଉପରେ ଆକ୍ରମଣ ହୋଇଛି । ସିରିଆ ନୌସେନା ବନ୍ଦରରେ ସାମରିକ ଜାହାଜ ସମ୍ପୁର୍ଣ୍ ନଷ୍ଟ ହୋଇଯାଇଛି । ଦମାସ୍କର ଦକ୍ଷିଣ ପଶ୍ଚିମରେ ଥିବା ଏୟାରବେସରେ ସିରିଆର ସାମରିକ ହେଲିକପ୍ଟର ଧ୍ୱଂସ ହୋଇଛି ।
