ନୂଆଦିଲ୍ଲୀ: ଦୁଇଟି ଟେଷ୍ଟ, ତିନୋଟି ଦିନିକିଆ ଏବଂ ୫ ଟି-୨୦ ମ୍ୟାଚ୍ ସହ ଦକ୍ଷିଣ ଆଫ୍ରିକା ବିପକ୍ଷରେ ଭାରତ ଖେଳିବ ଘରୋଇ ସିରିଜ୍। ଦକ୍ଷିଣ ଆଫ୍ରିକା ବିପକ୍ଷରେ ଦୁଇଟି ମ୍ୟାଚ୍ ପାଇଁ ବିସିସିଆଇ ଭାରତୀୟ ଦଳ ଘୋଷଣା କରିଛି। ବରିଷ୍ଠ ପୁରୁଷ ଚୟନ କମିଟି ବେଙ୍ଗାଲୁରୁରେ ଦକ୍ଷିଣ ଆଫ୍ରିକା ବିପକ୍ଷରେ ଦୁଇଟି ଚାରିଦିନିଆ ମ୍ୟାଚ୍ ପାଇଁ ଭାରତ ଏ ଦଳ ଚୟନ କରିଛି। ଏହି ମ୍ୟାଚ ପାଇଁ ରିଷଭ ପନ୍ତଙ୍କୁ ଅଧିନାୟକ ନିଯୁକ୍ତ କରାଯାଇଛି, ଯେତେବେଳେ ସାଇ ସୁଦର୍ଶନଙ୍କୁ ଉପ-ଅଧିନାୟକ ଦାୟିତ୍ୱ ଦିଆଯାଇଛି। ଟେଷ୍ଟ ଅଧିନାୟକ ଶୁଭମନ ଗିଲଙ୍କୁ ୧୫ ଜଣିଆ ଦଳରେ ଚୟନ କରାଯାଇ ନାହିଁ, ଯେତେବେଳେ କେଏଲ ରାହୁଲ, ଧ୍ରୁବ ଜୁରେଲ ଏବଂ ମହମ୍ମଦ ସିରାଜ ଦଳରେ ସାମିଲ ଅଛନ୍ତି।
ଦୀର୍ଘ ସମୟ ପରେ ଘରୋଇ କ୍ରିକେଟକୁ ପନ୍ତଙ୍କ ଏହା ଏକ ଗୁରୁତ୍ୱପୂର୍ଣ୍ଣ ପ୍ରତ୍ୟାବର୍ତ୍ତନ ବୋଲି ବିବେଚନା କରାଯାଉଛି। ଏହା ଚୟନକର୍ତ୍ତା ଏବଂ ପ୍ରଶଂସକ ଉଭୟଙ୍କ ପାଇଁ ଏକ ଉତ୍ସାହଜନକ ସଙ୍କେତ। ଭାରତ-ଏ ଏବଂ ଦକ୍ଷିଣ ଆଫ୍ରିକା-ଏ ମଧ୍ୟରେ ପ୍ରଥମ ମ୍ୟାଚ୍ ଅକ୍ଟୋବର ୩୦ ରୁ ନଭେମ୍ବର ୨ ପର୍ଯ୍ୟନ୍ତ ଖେଳାଯିବ। ଏହା ପରେ, ଉଭୟ ଦଳ ନଭେମ୍ବର ୬ରୁ ନଭେମ୍ବର ୯ ପର୍ଯ୍ୟନ୍ତ ପରସ୍ପରକୁ ମୁହାଁମୁହିଁ ହେବେ। ଚାରି ଦିନିଆ ମ୍ୟାଚ୍ ପାଇଁ ଦେବଦତ୍ତ ପାଡିକ୍କଲ୍, ୱିକେଟକିପର ଧ୍ରୁବ ଜୁରେଲ୍ ଏବଂ ଦ୍ରୁତ ବୋଲର ମହମ୍ମଦ ସିରାଜଙ୍କୁ ମଧ୍ୟ ଦଳରେ ସାମିଲ କରାଯାଇଛି।
ପ୍ରଥମ ଚାରି ଦିନିଆ ମ୍ୟାଚ୍ ପାଇଁ ଭାରତ ଦଳ: ରିଷଭ ପନ୍ତ (ଅଧିନାୟକ ତଥା ୱିକେଟ୍ କିପର), ଆୟୁଷ ମହାତ୍ରେ, ଏନ ଜଗଦେସନ (ୱିକେଟ୍ କିପର), ସାଇ ସୁଦର୍ଶନ (ଉପ-ଅଧିନାୟକ), ଦେବଦତ୍ତ ପାଡ଼ିକ୍କଲ, ରଜତ ପାଟିଦାର, ହର୍ଷ ଦୁବେ, ତନୁଷ କୋଟିୟାନ୍, ମାନବ ସୁଥାର, ଅଂଶୁଲ କାମ୍ବୋଜ, ୟଶ ଠାକୁର, ଆୟୁଷ ବଦୋନୀ ଏବଂ ସରାଂଶ ଜୈନ
ଦ୍ୱିତୀୟ ଚାରି ଦିନିଆ ମ୍ୟାଚ୍ ପାଇଁ ଭାରତ ଦଳ: ରିଷଭ ପନ୍ତ (ଅଧିନାୟକ ତଥା ୱିକେଟ୍ କିପର), କେ.ଏଲ୍ ରାହୁଲ, ଧ୍ରୁଭ ଜୁରେଲ (ୱିକେଟ୍ କିପର), ସାଇ ସୁଦର୍ଶନ (ଉପ-ଅଧିନାୟକ), ଦେବଦତ୍ତ ପାଡ଼ିକ୍କାଲ, ରୁତୁରାଜ ଗାଇକୱାଡ, ହର୍ଷ ଦୁବେ, ତନୁଷ କୋଟିୟାନ୍, ମାନବ ସୁଥାର, ଖଲିଲ୍ ଅହମଦ, ଗୁରନୂର ବରାଡ଼, ଅଭିମନ୍ୟୁ ଈଶ୍ୱରନ୍, ପ୍ରସିଦ୍ଧ କୃଷ୍ଣା, ମହମ୍ମଦ ସିରାଜ ଏବଂ ଆକାଶ ଦୀପ
