ଆଜିଠୁ ରାଜ୍ୟରେ ୩ ଦିନ ପ୍ରବଳ ବର୍ଷିବ !

ଭୁବନେଶ୍ୱର: ଆହୁରି ୩ ଦିନ ପ୍ରବଳ ବର୍ଷିବ ।  ୨୮ ତାରିଖ ଯାଏ ବର୍ଷାରୁ ମିଳିବ ନାହିଁ ନିସ୍ତାର ।  ଅବପାତରେ ପରିଣତ ହୋଇ    ସ୍ପଷ୍ଟ ଚିହ୍ନିତ ହୋଇଛି  ଲଘୁଚାପ ।  ଆଗାମୀ ୨୪ ଘଣ୍ଟାରେ   ପଶ୍ଚିମବଙ୍ଗର  ଗାଙ୍ଗେୟ ଉପକୂଳ , ଓଡିଶା ଝାଡଖଣ୍ଡ ଦେଇ ଅତିକ୍ରମ କରିବ । ବାଲେଶ୍ୱର , ଭଦ୍ରକ, ଯାଜପୁର ,ଢେଙ୍କାନାଳ,  ଅନୁଗୁଳ , ଦେଓଗଡ,  ସମ୍ବଲପୁର , ସୁନ୍ଦରଗଡ,  ଝାରସୁଗୁଡା ଓ ବରଗଡକୁ ଅରେଞ୍ଜ ଆଲର୍ଟ ଜାରି ହୋଇଛି ।  ଏହି ୧୦ ଜିଲ୍ଲାରେ  କିଛି କିଛି ସ୍ଥାନରେ   ବିଜୁଳି ଘଡଘଡି ସହ ପ୍ରବଳ  ବର୍ଷା ହେବାର ସମ୍ଭାବନା ରହିଛି ।  ଏଥି ସହିତ ୩୦ରୁ ୪୦ କିଲୋମିଟର  ବେଗରେ ପବନ ବହିପାରେ ।  କିଛି ସ୍ଥାନରେ ପ୍ରବଳ ବର୍ଷା ହେଇପାରେ ବୋଲି ସୂଚନା ଦେଇଛି ପାଣିପାଗ କେନ୍ଦ୍ର ।   ଅନ୍ୟପଟେ ସ୍ୱତନ୍ତ୍ର ରିଲିଫ କମିଶନର ମଧ୍ୟ ପ୍ରବଳ ବର୍ଷା  ନେଇ ସତର୍କ କରାଇଦେଇଛନ୍ତି ।    ମତ୍ସ୍ୟଜୀବୀଙ୍କୁ  ୨୫ ତାରିଖରୁ ୨୮ ତାରିଖ ପଯ୍ୟନ୍ତ ଉତ୍ତର ଓଡିଶା ଉପକୂଳରେ ପ୍ରବେଶ ନକରିବାକୁ ଏସଆରସି ସତର୍କ କରାଇଦେଇଚନ୍ତି ।