ସମ୍ବଲପୁର: ଜଣେ ସ୍କୁଲ ପ୍ରଧାନ ଶିକ୍ଷୟତ୍ରୀଙ୍କ ବିଦ୍ୟୁତ ଆଘାତରେ ମୃତ୍ୟୁ ଘଟିଛି । ଏହି ଘଟଣାଟି ସମ୍ବଲପୁରର ନାକାଟିଦେଉଳା ବ୍ଲକ ଅନ୍ତର୍ଗତ ବଟଗାଁ ଗ୍ରାମପଞ୍ଚାୟତର ଭାଲୁଗୁଡିଆ ଗାଁରେ ଘଟିଛି । ମୃତ ମହିଳା ଜଣକ ଅନିତା ପୁରୋହିତ ବୋଲି ଚିହ୍ନଟ କରାଯାଇଛି । ସେ ବାଟାଗାଁ ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଥିଲେ । ସୂଚନା ଅନୁଯାୟୀ, ପ୍ରଧାନଶିକ୍ଷୟତ୍ରୀ ପାଣି ପମ୍ପ କରିବା ପାଇଁ ତାଙ୍କ ଘରର ମୋଟରର ସ୍ୱିଚ ଅନ୍ କରିବା ସମୟରେ ବିଦ୍ୟୁତ ଆଘାତ ପାଇଥିଲେ । ତାଙ୍କ ସ୍ୱାମୀ ସନ୍ତୋଷ ତାଙ୍କୁ ବଞ୍ଚାଇବାକୁ ଦୌଡି ଆସିଥିଲେ ଏବଂ ଆହତ ହୋଇଥିଲେ । ଉଭୟଙ୍କୁ ଚିକିତ୍ସା ପାଇଁ ନାକାଟିଦେଉଳା ମେଡିକାଲକୁ ନିଆଯାଇଥିଲା, ଯେଉଁଠାରେ ମହିଳାଙ୍କ ମୃତ୍ୟୁ ହୋଇଥିଲା ଏବଂ ତାଙ୍କ ସ୍ୱାମୀ ଚିକିତ୍ସାଧୀନ ଥିଲେ ।
