ଆମେରିକା: ଆମେରିକାରୁ ପୁଣି ଥରେ ଗୁଳିକାଣ୍ଡର ଏକ ଭୟଙ୍କର ଘଟଣା ସାମ୍ନାକୁ ଆସିଛିା ଏଥର ହୁ୍େୟଷ୍ଟନରେ ଜଣେ ବ୍ୟକ୍ତି ୨ଟି ଭିନ୍ନ ଭିନ୍ନ ସ୍ଥାନରେ ୩ ଜଣଙ୍କୁ ଗୁଳି କରି ହତ୍ୟା କରିଛନ୍ତି ଏବଂ ପରେ ନିଜକୁ ଗୁଳି କରି ଆତ୍ମହତ୍ୟା କରିଛନ୍ତିା ହ୍ୟୁଷ୍ଟନ୍ ଉପନଗର ସୁଗାର ଲ୍ୟାଣ୍ଡରେ, ଜଣେ ଡ୍ରାଇଭର ଅନ୍ୟ ଏକ ଗାଡ଼ି ଉପରେ ଅନେକ ଗୁଳି ଚଳାଇଥିଲେ, ଯାହା ଫଳରେ ଡ୍ରାଇଭର ଆହତ ହୋଇଥିଲେ ଏବଂ ତାଙ୍କୁ ହସ୍ପିଟାଲରେ ମୃତ ଘୋଷଣା କରାଯାଇଥିଲା, ସହର ପୋଲିସ ମୁଖପାତ୍ର ଆଲିସିଆ ଆଲାନିଜ୍ କହିଛନ୍ତି।ପ୍ରାୟ ଅଧ ଘଣ୍ଟା ପରେ, ହ୍ୟୁଷ୍ଟନ୍ ପୋଲିସ ପ୍ରାରମ୍ଭିକ ଗୁଳିକାଣ୍ଡର ପ୍ରାୟ ୧୧ କିଲୋମିଟର ଦକ୍ଷିଣ-ପୂର୍ବରେ ଏକ ମେକାନିକ୍ ଦୋକାନରେ ଗୁଳିଚାଳନା ହୋଇଥିବା ଖବର ପାଇଲା। କ୍ରସନ କହିଛନ୍ତି ଯେ ଗୁଳିଚାଳକ ଜଣେ ମେକାନିକ୍ ଏବଂ ଆକ୍ରମଣର ଭିଡିଓ କରୁଥିବା ଜଣେ ସାକ୍ଷୀଙ୍କୁ ଗୁଳି କରିଥିଲା।
ସେ କହିଛନ୍ତି ଯେ ପୋଲିସ ପ୍ରାୟ ୬.୪ କିଲୋମିଟର ଦୂରରେ ଏକ କାରରେ ଗୁଳିଚାଳକଙ୍କୁ ମୃତ ଅବସ୍ଥାରେ ପାଇଥିଲା। କର୍ତ୍ତୃପକ୍ଷ ବିଶ୍ୱାସ କରୁଛନ୍ତି ଯେ ସେ ଆତ୍ମହତ୍ୟା କରିଥାଇପାରନ୍ତି। ପୋଲିସ ମୃତକ କିମ୍ବା ଗୁଳିଚାଳକଙ୍କ ନାମ ପ୍ରକାଶ କରିନାହିଁ। ପୋଲିସ ଏହି ଘଟଣା ବିଷୟରେ ସୂଚନା ଦେଇ କହିଛି ଯେ ସେମାନେ ଗୁଳିକାଣ୍ଡ ପଛର କାରଣ ଜାଣିବା ପାଇଁ ତଦନ୍ତ ଆରମ୍ଭ କରିଛନ୍ତି। ପ୍ରାଥମିକ ସୂଚନା ଅନୁଯାୟୀ ଉଭୟ ମାମଲା ପରସ୍ପର ସହ ଜଡିତ। ଆମେରିକୀୟମାନଙ୍କ ପାଖରେ ବିଶ୍ୱର ସର୍ବାଧିକ ସଂଖ୍ୟକ ବନ୍ଧୁକ ଅଛି। ୨୦୨୩ ମସିହାର ଏକ ଆକଳନ ଅନୁଯାୟୀ, ଆମେରିକୀୟ ନାଗରିକଙ୍କ ପାଖରେ ୩୯୩ ନିୟୁତରୁ ଅଧିକ ବନ୍ଧୁକ ଅଛି। ଏହି ସଂଖ୍ୟା ମୋଟ ଆମେରିକୀୟ ଜନସଂଖ୍ୟାଠାରୁ ଅଧିକ। ପ୍ରାୟ ୪୦-୪୪ ପ୍ରତିଶତ ଆମେରିକୀୟଙ୍କ ଘରେ ବନ୍ଧୁକ ଅଛି, ଯେତେବେଳେ ପ୍ରାୟ ୩୨ ପ୍ରତିଶତ ଆମେରିକୀୟ ବ୍ୟକ୍ତିଗତ ବନ୍ଧୁକ ମାଲିକ। ଏହାର ଅର୍ଥ ହେଉଛି ଯେ ବନ୍ଧୁକ ଥିବା ଲୋକମାନଙ୍କ ମଧ୍ୟରୁ ଅନେକଙ୍କ ପାଖରେ ଗୋଟିଏରୁ ଅଧିକ ବନ୍ଧୁକ ଅଛି।
