ବିହାର: ବିହାରର ଖଗାରିଆରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏକ ବିବାହ ବେଦିରେ ଗୁଳି ବାଜି ଟଳିପଡିିଲେ ବର। କନ୍ୟାଙ୍କ ସାମ୍ନାରେ ଚାଲିଗଲା ବରର ଜୀବନ। ମୃତ ବରଙ୍କୁ ମହମ୍ମଦ ଇରଶାଦ ବୋଲି ଚିହ୍ନଟ କରାଯାଇଛି । ସେ ମୁମ୍ବାଇରେ ଜଣେ ଦର୍ଜୀ ଥିଲେ ଏବଂ ବିବାହ ପାଇଁ ବିହାରର ଖଗାରିଆ ଯାଇଥିଲେ। ଶନିବାର ରାତି ୧୧ଟାରେ ମୁଫସିଲ ପୋଲିସ ଷ୍ଟେସନ ଅଞ୍ଚଳର କୁତୁବପୁର ଅଞ୍ଚଳରେ ଏହି ଘଟଣା ଘଟିଛି। ସୂଚନା ଅନୁସାରେ, ଜଣେ ଯୁବକ ଆସି ବର ପାଖରେ ଥିବା ଏକ ଚେୟାରରେ ବସିଲେ। ସେ ଏକ ବନ୍ଧୁକ ବାହାର ଗୁଳି ଚଳାଇଲେ, କିନ୍ତୁ ଗୁଳି ଉପରକୁ ଯିବା ପରିବର୍ତ୍ତେ ବରକୁ ବାଜିଥିଲା।
ଏହା ପରେ ପରିବାର ଲୋକ ତାଙ୍କୁ ତୁରନ୍ତ ଖଗାରିଆ ସହରର ବାଲୁହିସ୍ଥିତ ନେକ୍ଟର ହସ୍ପିଟାଲକୁ ନେଇଯାଇଥିଲେ, ଯେଉଁଠାରେ ଡାକ୍ତରମାନେ ତାଙ୍କୁ ବେଗୁସରାଇକୁ ରେଫର କରିଥିଲେ। ବେଗୁସରାଇର ଡାକ୍ତରମାନେ ମଧ୍ୟ ତାଙ୍କୁ ପାଟନାକୁ ରେଫର କରିଥିଲେ। ସେହି ସମୟରେ ମହମ୍ମଦ ଇରଶାଦ ରାସ୍ତାରେ ମୃତ୍ୟୁବରଣ କରିଥିଲେ। ଘଟଣା ପରେ ଗୁଳି ଚଳାଇଥିବା ଅଭିଯୁକ୍ତ ଫେରାର ହୋଇଯାଇଥିବା ସୂଚନା ମିଳିଛି। ଘଟଣା ସମ୍ପର୍କରେ ସୂଚନା ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଅଭିଯୁକ୍ତକୁ ଖୋଜିବା ସହ ତଦନ୍ତ ଆରମ୍ଭ କରିଛି।
