ଆଜିଠାରୁ ବେଙ୍ଗାଲୁରୁରେ ଅଳିଆ ଟିକସ ଲାଗୁ

ନୂଆଦିଲ୍ଲୀ : ବୃହତ ବେଙ୍ଗାଲୁର ମହାନଗର ପାଳିକା  ଏପ୍ରିଲ ୧ ଠାରୁ  ବର୍ଜ୍ୟ ବସ୍ତୁ ସଂଗ୍ରହ ପାଇଁ  ଉପଭୋକ୍ତା ଶୁଳ୍କ ଲାଗୁ କରିବା   ସହିତ ବର୍ଜ୍ୟବସ୍ତୁ ପରିଚାଳନା  ପାଇଁ  ଏକ ଶୁଳ୍କ ଆଦାୟ କରିବା ଆରମ୍ଭ କରାଯାଇଛି ।  ଏହି ଶୁଳ୍କ  କୋଠାର କ୍ଷେତ୍ରଫଳ ଉପରେ ଆଧାର କରି  ସ୍ଥିର କରାଯାଇଛି । ୬୦୦  ବର୍ଗଫୁଟ ପଯ୍ୟନ୍ତ ପ୍ଲଟରେ ଥିବା  ଆବାସିକ କୋଠା ପାଇଁ  ପ୍ରତ୍ୟେକ ପରିବାରରୁ ପ୍ରତି ମାସରେ ୧୦ ଟଙ୍କା   ଆଦାୟ କରାଯିବ । ଚାରି ହଜାର ବର୍ଗ ଫୁଟ  କିମ୍ବା  ତାଠାରୁ ଅଧିକ କ୍ଷେତ୍ରଫଳ ବିଶିଷ୍ଟ  କୋଠା ପାଇଁ ପ୍ରତି ପରିବାର  ପାଇଁ  ମାସିକ ୪୦୦ ଟଙ୍କା  ବର୍ଜ୍ୟବସ୍ତୁ ଶୁଳ୍କ ନିଆଯିବ । ବାଣିଜ୍ୟିକ କୋଠାଗୁଡିକ  ପାଇଁ ପ୍ରତି  କିଲୋଗ୍ରାମ ଅଳିଆ ପାଇଁ  ୧୨ ଟଙ୍କା ଦେୟ ନିଆଯିବ ।  ବିବିଏମପି ପ୍ରତିବର୍ଷ ୟୁଜର୍ସ ଫି  ୫ ପ୍ରତିଶତ ବୃଦ୍ଧି କରିବ ।  ଏହା ସହିତ ଆଜିଠାରୁ  ସମସ୍ତ ପ୍ରକାରର ନନ୍ଦିନୀ କ୍ଷୀର ଏବଂ ଦହି ମଧ୍ୟ  ୪ଟଙ୍କା ମହଙ୍ଗା ହେବ ।  ଏବଂ ବିଦ୍ୟୁତ ବ୍ୟବହାର ହେଉଥିବା ୟୁନିଟ ପିଛା  ୦.୩୬  ଟଙ୍କା ମହଙ୍ଗା ହେବ ।