ନିର୍ମାଣାଧୀନ ଛାତ ସ୍ଲାବ୍ ଭୁଶୁଡ଼ି ଚାଲିଗଲା ୫ ଜଣଙ୍କ ଜୀବନ

ମଧ୍ୟପ୍ରଦେଶ : ମଧ୍ୟପ୍ରଦେଶର ଇନ୍ଦୋର ଜିଲ୍ଲାରେ ଏକ ରିସୋର୍ଟର ନିର୍ମାଣାଧୀନ ଘର ଛାତ ସ୍ଲାବ୍ ଭୁଶୁଡ଼ିବା ପରେ ୫ ଜଣ ଶ୍ରମିକଙ୍କ ମୃତ୍ୟୁ ଘଟିଛି ବୋଲି ଶୁକ୍ରବାର ଦିନ ଜଣେ ଅଧିକାରୀ କହିଛନ୍ତି। ଗୁରୁବାର ରାତିରେ ଜିଲ୍ଲା ମୁଖ୍ୟାଳୟଠାରୁ ପ୍ରାୟ ୪୦ କିଲୋମିଟର ଦୂରରେ ଥିବା ମୋହ ତହସିଲର ଚୋରାଲ ଗ୍ରାମରେ ଏହି ଘଟଣା ଘଟିଥିବା ବେଳେ ଶ୍ରମିକମାନେ ଏହା ତଳେ ଶୋଇଥିଲେ ବୋଲି ପୋଲିସ ଅଧିକାରୀ କହିଛନ୍ତି। ମୃତଦେହକୁ ଡାକ୍ତରଖାନାକୁ ପଠାଯାଇଛି ବୋଲି ଇନ୍ଦୋର (ଗ୍ରାମୀଣ) ପୋଲିସ ଅଧୀକ୍ଷକ ହିତିକା ୱାସାଲ ଘଟଣାସ୍ଥଳରୁ ଫୋନ ଯୋଗେ ପିଟିଆଇକୁ କହିଛନ୍ତି। ସେ କହିଛନ୍ତି ଯେ ସକାଳ ପ୍ରାୟ ୬.୩୦ ସମୟରେ ଏହି ଘଟଣା ସମ୍ପର୍କରେ ପୋଲିସକୁ ସୂଚନା ଦିଆଯାଇଥିଲା। ପୋଲିସ ଘଟଣାସ୍ଥଳରେ ପହଞ୍ଚି ତୁରନ୍ତ ଉଦ୍ଧାର କାର୍ୟ୍ୟ ଆରମ୍ଭ କରିଥିଲା। ସେ କହିଛନ୍ତି, “ପାଞ୍ଚଟି ମୃତଦେହ ଉଦ୍ଧାର ହେବା ପରେ ଅପରେସନ୍ ଶେଷ ହୋଇଛି। ଆମେ ଘଟଣାର ତଦନ୍ତ ଆରମ୍ଭ କରିଛୁ।” ସକାଳେ ଅନ୍ୟ ଶ୍ରମିକମାନେ ଉକ୍ତ ସ୍ଥାନରେ କାମ କରିବାକୁ ଆସିଥିବା ବେଳେ ଏହି ଦୁର୍ଘଟଣା ସାମ୍ନାକୁ ଆସିଥିଲା ​​ବୋଲି ସିମ୍ରୋଲ ପୋଲିସର ଇନ୍ସପେକ୍ଟର ଅମିତ କୁମାର କହିଛନ୍ତି। ଏହାପୂର୍ବରୁ ଜଣେ ଅଧିକାରୀ କହିଥିଲେ ଯେ ଜଣେ ଶ୍ରମିକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୫ ଜଣ ଆବର୍ଜନା ତଳେ ଫସି ରହିଥିଲେ।