ଚଳନ୍ତା ବସ୍‌ରେ ନିଆଁ: ଅଳ୍ପକେ ବର୍ତ୍ତିଲେ ଯାତ୍ରୀ

ନୂଆଦିଲ୍ଲୀ: ଉତ୍ତରପ୍ରଦେଶର ଫିରୋଜାବାଦରୁ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଫିରୋଜାବାଦର ସିରସାଗଞ୍ଜ ଥାନା ଅଞ୍ଚଳରେ ଆଗ୍ରା-ଲକ୍ଷ୍ନୌ ଏକ୍ସପ୍ରେସୱେରେ ଏକ ବସରେ ହଠାତ୍ ନିଆଁ ଲାଗିଯିବାରୁ ବ୍ୟାପକ ଆତଙ୍କ ସୃଷ୍ଟି ହୋଇଥିଲା। ବସ୍ ରେ ଥିବା ଯାତ୍ରୀମାନେ ଖସି ପଳାଇ ନିଜ ଜୀବନ ବଞ୍ଚାଇବାରେ ସଫଳ ହୋଇଥିଲେ। ସୂଚନା ମିଳିଛି ଯେ ସୂଚନା ଅନୁଯାୟୀ ବସ୍ ଟି ରାଜସ୍ଥାନର ଆଜମେର ଶରିଫରୁ ନେପାଳ ଅଭିମୁଖେ ଯାତ୍ରା କରୁଥିଲା। ଏଥିରେ ୧୨ ଜଣ ପିଲା ସମେତ ମୋଟ ୫୬ ଜଣ ଯାତ୍ରୀ ଥିଲେ। ସୌଭାଗ୍ୟବଶତଃ, ସମସ୍ତ ଯାତ୍ରୀଙ୍କୁ ସମୟ ମଧ୍ୟରେ ସୁରକ୍ଷିତ ଭାବରେ ବାହାର କରାଯାଇଥିଲା। ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିଥିଲା। ଏହି ଘଟଣାରେ କୌଣସି ମୃତାହତ ହୋଇନାହିଁ।ପୋଲିସର କହିବା ଅନୁଯାୟୀ, ପ୍ରଥମେ ବସ୍‌ର ପଛ ଟାୟାର ହଠାତ୍ ଫାଟିଗଲା ଏବଂ ଚାଲୁଥିବା ବସ୍‌ରୁ ସ୍ପାର୍କିଂ ବାହାରିବାକୁ ଲାଗିଲା। ଡ୍ରାଇଭର ବସ୍‌କୁ ପାର୍ଶ୍ଵରେ ଅଟକାଇ ଦେଲେ। ବସ୍‌ ଅଟକିବା ମାତ୍ରେ ଯାତ୍ରୀମାନେ ଝରକା ଦେଇ ଡେଇଁ ପଡ଼ିଲେ। ଯାତ୍ରୀମାନେ ବାହାରକୁ ଆସିବା ମାତ୍ରେ ବସ୍‌ଟି ସମ୍ପୂର୍ଣ୍ଣ ଜଳିଯାଇଥିଲା ।ଯାତ୍ରୀମାନଙ୍କୁ ସୁରକ୍ଷିତ ଭାବରେ ସେମାନଙ୍କ ଗନ୍ତବ୍ୟସ୍ଥଳକୁ ପହଞ୍ଚାଇବା ପାଇଁ ଏକ ବସ୍ ବ୍ୟବସ୍ଥା କରାଯାଇଥିଲା। ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବରେ ସେମାନଙ୍କ ଗନ୍ତବ୍ୟସ୍ଥଳକୁ ପଠାଯାଇଥିଲା।