ଝାଡଖଣ୍ଡ: ଝାଡଖଣ୍ଡର କଚ୍ଛ ଅଞ୍ଚଳରୁ ଏକ ଅଭାବନୀୟ ଘଟଣା ସମ୍ନାକୁ ଆସିଛି । ଜଣେ ପୋଲିସ ଏଏସଆଇଙ୍କୁ ଗଳା କାଟି ହତ୍ୟା କରିଛନ୍ତି ତାଙ୍କ ପ୍ରେମିକ । ଅଞ୍ଜାର ପୋଲିସ ଷ୍ଟେସନରେ ନିଯୁକ୍ତ ମହିଳା ଆସିଷ୍ଟାଣ୍ଟ ସବ-ଇନ୍ସପେକ୍ଟର (ଏଏସଆଇ) ଅରୁଣାବେନ ନାଟୁଭାଇ ଯାଦବଙ୍କ ହତ୍ୟା ପୋଲିସ ବାହିନୀରେ ଆଲୋଡ଼ନ ସୃଷ୍ଟି କରିଛି। ଏହି ହତ୍ୟା ମାମଲାରେ ଏକ ଆଶ୍ଚର୍ଯ୍ୟଜନକ ଖୁଲାସା ହୋଇଛି ଯେ ଅରୁଣାବେନଙ୍କୁ ତାଙ୍କ ନିଜ ପ୍ରେମିକ ଦିଲୀପ ଡାଙ୍ଗଚିଆ ଗଳାକାଟି ହତ୍ୟା କରିଥିଲେ। ମିଳିଥିବା ସୂଚନା ଅନୁଯାୟୀ, ଅରୁଣାବେନ ଜାଧବ ଏବଂ ଦିଲୀପ ଡାଙ୍ଗଚିଆ ପ୍ରେମ ସମ୍ପର୍କରେ ଥିଲେ। ଗତକାଲି ରାତିରେ କୌଣସି କଥାକୁ ନେଇ ଉଭୟଙ୍କ ମଧ୍ୟରେ ପ୍ରବଳ ଯୁକ୍ତିତର୍କ ହୋଇଥିଲା, ଯାହା ପରେ ଦିଲୀପ ରାଗିଯାଇ ଅରୁଣାବେନଙ୍କୁ ଗଳାକାଟି ହତ୍ୟା କରିଥିଲେ।
ଅଭିଯୁକ୍ତ ଦିଲୀପ ଡାଙ୍ଗଚିଆ ମଣିପୁରର ସିଆରପିଏଫରେ ଚାକିରି କରନ୍ତି। ହତ୍ୟା କରିବା ପରେ, ଅଭିଯୁକ୍ତ ଅଞ୍ଜାର ପୋଲିସ ଷ୍ଟେସନରେ ନିଜକୁ ହାଜର କରି ନିଜ ଅପରାଧ ସ୍ୱୀକାର କରିଥିଲା।ଘଟଣା ଜଣାପଡିବା ମାତ୍ରେ ଅଞ୍ଜାର ପୋଲିସ ଘଟଣାସ୍ଥଳରେ ପହଞ୍ଚିଥିଲା। ପୋଲିସ ମହିଳା ପୋଲିସ ଅଧିକାରୀଙ୍କ ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଛି, ଯେତେବେଳେ ଅଭିଯୁକ୍ତ ଦିଲୀପକୁ ଅଧିକ ପଚରାଉଚରା ଏବଂ ତଦନ୍ତ ପାଇଁ ହେପାଜତକୁ ନିଆଯାଇଛି। ପ୍ରେମ ବ୍ୟାପାରକୁ ନେଇ ଏହି ହତ୍ୟାକାଣ୍ଡ ପଛରେ ପ୍ରକୃତ କାରଣ ଜାଣିବା ପାଇଁ ପୋଲିସ ଗଭୀର ତଦନ୍ତ ଆରମ୍ଭ କରିଛି।
