ମର୍ମନ୍ତୁଦ ଦୁର୍ଘଟଣା: ୬ ମୃତ, ୧୦ ଆହତ

ଗୁଜୁରାଟ: ଆଜି ସକାଳେ ଗୁଜରାଟର ଭବନଗର ଜିଲ୍ଲାର ଏକ ରାଜପଥରେ ଘରୋଇ ବସ୍ ଏକ ଡମ୍ପର ଟ୍ରକର ମୁଁହାମୁଁହି ଧକ୍କା । ଫଳରେ ୬ ଜଣଙ୍କର ମୃତ୍ୟୁ ଘଟିଥିବା ବେଳେ ପ୍ରାୟ ୧୦ ଜଣ ଆହତ ହୋଇଛନ୍ତି। ପୋଲିସ ଅଧୀକ୍ଷକ ହର୍ଷଦ ପଟେଲ କହିଛନ୍ତି ଯେ ସକାଳ ପ୍ରାୟ ସାଢେ ୬ ଟାରେ ଟ୍ରାପଜ ଗ୍ରାମ ନିକଟରେ ଏହି ବସ୍ ଭବନଗରରୁ ମହାଭା ଅଭିମୁଖେ ଯାଉଥିଲା। ବସ୍ ପଛରୁ ଡମ୍ପର ଟ୍ରକକୁ ଧକ୍କା ଦେଇଥିଲା। ଏହି ଦୁର୍ଘଟଣାରେ ୬ ଜଣଙ୍କର ମୃତ୍ୟୁ ହୋଇଥିବା ଅଧିକାରୀ ଜଣକ କହିଛନ୍ତି ଯେ ଅନ୍ୟ ଆଠରୁ ଦଶ ଜଣ ଆହତ ହୋଇଛନ୍ତି। ଆହତ ବ୍ୟକ୍ତିମାନେ ଡାକ୍ତରଖାନାରେ ଚିକିତ୍ସିତ ହେଉଥିବା ବେଳେ ଏବେ ସ୍ୱାସ୍ଥ୍ୟ ଅବସ୍ଥା ଭଲ ଥିବା ନେଇ ସୂଚନା ରହିଛି ।