ଭୁବନେଶ୍ୱର : ଲ୍ୟାଣ୍ଡଫଲ ପୂର୍ବରୁ ଆଇଏମଡି ଡିଜି ବାତ୍ୟା ସମ୍ପର୍କରେ ଗୁରୁତ୍ୱପୁର୍ଣ୍ ସୂଚନା ଦେଇଛନ୍ତି । ପାରାଦୀପଠାରୁ ୨୦୦ କିଲୋମିଟର ଦୂରରେ ଥିବା ଭୀଷଣ ବାତ୍ୟା ଦାନାର ଏପର୍ୟ୍ୟନ୍ତ ଆଖି ସୃଷ୍ଟି ହୋଇନାହିଁ । ଆଜି ରାତିରେ ଲ୍ୟାଣ୍ଡଫଲ ପ୍ରକ୍ରିୟା ଆରମ୍ଭ ହୋଇ ଆସନ୍ତାକାଲି ସକାଳ ପର୍ୟ୍ୟନ୍ତ ଚାଲିବା ବାତ୍ୟା ଅଧିକ ଶକ୍ତିଶାଳୀ ହେଲେ ତାର ଆଖି ସୃଷ୍ଟି ହୋଇଥାଏ । କିନ୍ତୁ ଦାନା ଭୀଷଣ ବାତ୍ୟାରେ ସୀମିତ ଥିବାରୁ ଆଖି ସୃଷ୍ଟି ହୋଇନାହିଁ । ଆଇଏମଡି ପୂର୍ବାନୁମାନ ଅନୁସାରେ, ଲ୍ୟାଣ୍ଡଫଲ ସମୟରେ ସର୍ବାଧିକ ପବନର ବେଗ ୧୨୦ ଭିତରେ ସୀମିତ ରହିବ । ବର୍ତ୍ତମାନ ବଙ୍ଗୋପସାଗରରେ ବାତ୍ୟା ଦାନାର କେନ୍ଦ୍ର ସ୍ଥଳରେ ପବନର ବେଗ ସର୍ବାଧିକ ୧୦୫ ରହିଥିବା ବେଳେ ଓଡିଶା ଉପକୂଳରେ ସର୍ବାଧିକ ୭୦ କିମି ବେଗରେ ବହୁଛି ।