ହାତୀ ଆକ୍ରମଣରେ ଯୁବକ ମୃତ

ସମ୍ବଲପୁର: ସମ୍ବଲପୁର ଜିଲ୍ଲା ଯୁଯୁମୁରା ବ୍ଲକ ଅଞ୍ଚଳରେ ହାତୀ ଆକ୍ରମଣରେ ଜଣେ ଯୁବକଙ୍କର ମୃତ୍ୟୁ ହୋଇଛି । ୫୧ ଟିକିଆ ହାତୀ ପଲ ଯିବା ବେଳେ ଯୁବକଙ୍କୁ ପାଦରେ ଦଳିଦେଲେ, ଅକାଳରେ ଚାଲିଯାଇଛି ବ୍ୟକ୍ତିଙ୍କ ଜୀବନ । ମୃତକ ଯୁବକ ଜଣଙ୍କ ହେଲେ ପଡ଼ିଆବାହାଲ ରେଞ୍ଜ ଜାମଲୋଇ ଗାଁର ପୂର୍ଣ୍ଣଚନ୍ଦ୍ର ଦେହୁରୀ । ତାଙ୍କୁ ହାତୀ କଚାଡି ମାରି ଦେଇଥିବା ସୂଚନା ରହିଛି । ଗତକାଲି ରାତିରେ ଗ୍ରାମବାସୀ ହାତୀ ଘଉଡାଇବାକୁ ବାହାରିଥିଲେ । ହାତୀ ପଲଙ୍କୁ ଘଉଡ଼ାଇବା ପରେ ସମସ୍ତେ ଫେରି ଆସିଥିଲେ । ହେଲେ ପୂର୍ଣ୍ଣଚନ୍ଦ୍ର ଫେରିନଥିଲେ । ଆଜି ସକାଳୁ ତାଙ୍କ ମୃତ ଦେହ ନୂଆବନ୍ଧ ନିକଟରେ ପଡ଼ିଥିବା ସ୍ଥାନୀୟ ଲୋକେ ଦେଖି ବନ ବିଭାଗକୁ ଖବର ଦେଇଥିଲେ । ତଦନ୍ତ ପରେ ହାତୀ ଆକ୍ରମଣରେ ଯୁବକ ଙ୍କର ମୃତ୍ୟୁ ଘଟିଛି ବୋଲି ଜଣାପଡିଛି ।