ଚଣ୍ଡିଗଡ଼ : ଜଳ ପରେ ଏବେ ଚଣ୍ଡିଗଡ଼ରେ ବିଦ୍ୟୁତ ଦର ବଢିବାକୁ ଯାଉଛି। ଅଗଷ୍ଟ ୧ରୁ ବିଦ୍ୟୁତ ଦର ବଢିବାକୁ ଯାଉଛି । ପ୍ରଶାସନର ଇଞ୍ଜିନିୟରିଂ ବିଭାଗର ପିଟିଶନ ଶୁଣିବା ପରେ ଯୁଗ୍ମ ବିଦ୍ୟୁତ ନିୟାମକ ଆୟୋଗ ଦୁଇଟି ସ୍ଲାବରେ ବିଦ୍ୟୁତ୍ ମୂଲ୍ୟ ବୃଦ୍ଧି କରିବାକୁ ଅନୁମୋଦନ କରିଛନ୍ତି। ସର୍ବାଧିକ ୧୬ ପ୍ରତିଶତ ବିଦ୍ୟୁତ ମହଙ୍ଗା ହେବ। ଘରୋଇ ବିଦ୍ୟୁତ୍ ବିଲ ଉପରେ ସ୍ଥିର ଚାର୍ଜ ସିଧାସଳଖ ଦ୍ୱିଗୁଣିତ ହେବ। ଏଥର ଘରୋଇ ବିଦ୍ୟୁତ ଦର ୨୩.୩୫ ପ୍ରତିଶତ ବୃଦ୍ଧି କରିବାକୁ ଇଞ୍ଜିନିୟରିଂ ବିଭାଗ ପ୍ରସ୍ତାବ ଦେଇଥିଲା କିନ୍ତୁ ଜନ ଶୁଣାଣି ସମୟରେ ଲୋକମାନେ ମୂଲ୍ୟ ବୃଦ୍ଧିକୁ ଦୃଢ ବିରୋଧ କରିଥିଲେ। ଭାଜପା ଏବଂ ଆମ ଆଦମୀ ପାର୍ଟିର ନେତାମାନେ ପରସ୍ପର ସହ ସଂଘର୍ଷ କରିଥିଲେ। ସେଠାରେ ବହୁତ ବିତର୍କ ହୋଇଥିଲା। ଏପରିକି ପୋଲିସକୁ ଡାକିବାକୁ ପଡିଥିଲା।
