ନୂଆଦିଲ୍ଲୀ; ଶୁକ୍ରବାର ରାତିରେ ପାକିସ୍ତାନ ଏବଂ ଆଫଗାନିସ୍ତାନରେ ଏକ ଶକ୍ତିଶାଳୀ ଭୁମିକମ୍ପ ଅନୁଭୂତ ହୋଇଛି । ପାକିସ୍ତାନ ପାଣିପାଗ ବିଭାଗ ରିପୋର୍ଟ କରିିଛି ଯେ, ଦେଶର ବିଭିନ୍ନ ସ୍ଥାନରେ ୬.୧ ତୀବ୍ରତାର ଭୂକମ୍ପ ଅନୁଭୂତ ହୋଇଛି । ଭୁମିକମ୍ପର କେନ୍ଦ୍ର ଭୂପୃଷ୍ଠରୁ ୧୯୦ କିଲୋମିଟର ଗଭୀରତାରେ ଥିଲା । ଆଫଗାନିସ୍ତାନର ହିନ୍ଦୁକୁଶ ଅଞ୍ଚଳରେ ୫.୯ ତୀବ୍ରତାର ଭୂମିକମ୍ପ ଅନୁଭୂତ ହେବା ପରେ ଦିଲ୍ଲୀ – ଏନସିଆର ଏବଂ ଉତ୍ତର ଭାରତର ବିଭିନ୍ନ ସ୍ଥନାରେ ପ୍ରବଳ ଭୂକମ୍ପ ଅନୁଭୂତ ହୋଇଥିଲା । ଆଫଗାନିସ୍ତାନରେ ୮ ଜଣଙ୍କର ମୃତ୍ୟୁ ହୋଇି । ହଠାତ ଭୂଇଁ ଥରିବା ଯୋଗୁଁ ଲୋକଙ୍କ ମଧ୍ୟରେ ଆତଙ୍କ ସୃଷ୍ଟି କରାଇଛି । ରାତି ପ୍ରାୟ ୯ଟା ୫୦ରେ ରେକର୍ଡ କରାଯାଇଥିବା ଏହି ଭୂମିକମ୍ପର ଝଟକା ନୋଏଡା, ଚଣ୍ଡିଗଡ , ପଞ୍ଚାବର ଲୁଧିଆନା ଏବଂ ଜାମ୍ମୁ ଓ କାଶ୍ମୀରର ପୁଞ୍ଚ , ଶ୍ରୀନଗର ଏବଂ ଉଧମପୁର ଡେରାଡୁନ ସମେତ ଅନ୍ୟାନ୍ୟ ସ୍ଥାନରୁ ଅନୁଭୂତ ହୋଇଥିଲା । କାବୁଲରେ ଭୂମିକମ୍ପ ଯୋଗୁଁ ଏକ ଘର ଭୁଶୁଡି ପଡିବାରୁ ୮ ଜଣଙ୍କର ମୃତ୍ୟୁ ହୋଇଛି ।ଇସଲାମାବାଦ, ପଞ୍ଜାବର କିଛି ଅଂଶ, ଖାଇବର ପଖତୁନଖ୍ୱା, ପେଶାୱର ଏବଂ ଅନ୍ୟାନ୍ୟ ଅଞ୍ଚଳ ସମେତ ପାକିସ୍ତାନର ଅନେକ ସହରରେ ମଧ୍ୟ ଭୂମିକମ୍ପର ଝଟକା କିଛି ସମୟ ପାଇଁ ଅନୁଭୂତ ହୋଇଥିଲା।
