ବନ୍ଧୁକ ଛାଡି ସରେଣ୍ଡର କର: ମାଓନେତା ନିଖିଲ୍‌

ଭୁବନେଶ୍ୱର: ବନ୍ଧୁକ ଛାଡିବାକୁ ସାଥୀଙ୍କୁ ଟପ୍ ମାଓନେତା ନିଖିଲ୍‌ଙ୍କ ଆହ୍ୱାନ। ବନ୍ଧୁକ ଛାଡି ମୁଖ୍ୟ ସ୍ରୋତରେ ସାମିଲ ହେବାକୁ ଦେଲେ ଅଡିଓ ବାର୍ତ୍ତା। ବାର୍ତ୍ତାରେ କହିଛନ୍ତି ଯେ ସଶସ୍ତ୍ର କ୍ରାନ୍ତି ତ୍ୟାଗ କରି ଆମେ ୧୫ ମାଓବାଦୀ ଗଣତାନ୍ତ୍ରିକ ରାସ୍ତାକୁ ଆସିଛୁ। ଏଥିପାଇଁ ଓଡ଼ିଶା ପୋଲିସ ପାଖରେ ଆତ୍ମସମର୍ପଣ କରିଛୁ। ଆଜିକା ପରିବର୍ତ୍ତିତ ପରିସ୍ଥିତିରେ ସଶସ୍ତ୍ର ବିପ୍ଳବ କରିବା କଷ୍ଟସାଧ୍ୟ। ତେଣୁ ଅନ୍ୟ ସାଥୀ ଅସ୍ତ୍ର ତ୍ୟାଗ କରି ଗଣତାନ୍ତ୍ରିକ ଆନ୍ଦୋଳନରେ ସାମିଲ ହୁଅନ୍ତୁ। ଅନେକ ସମସ୍ୟା ପାଇଁ ଆପଣମାନଙ୍କ ସହ ସମନ୍ବୟ କରି ନ ପାରି ସରେଣ୍ଡର କରିଛୁ। ବେଶୀ ଡେରି ନ କରି ଆମ ବାଟରେ ଆସିଲେ ବେଶୀ ଭଲ ହେବ। ଓଡ଼ିଶା ପୋଲିସ ସବୁ ପ୍ରକାର ସୁବିଧା ସୁଯୋଗର ପ୍ରତିଶ୍ରୁତି ଦେଇଛି। ୯୪୩୭୬୪୩୮୩୯ ନଂରେ ଯୋଗାଯୋଗ କଲେ ଆଣିବା ବ୍ୟବସ୍ଥା କରିବୁ। ସୂଚନାଯୋଗ୍ୟ, ଗତକାଲି ରାୟଗଡ଼ା ଜିଲ୍ଲା ପୋଲିସ ସମ୍ମୁଖରେ ଟପ୍‌ ମାଓନେତା ନିଖିଲ୍‌ ଓରଫ ନିରଞ୍ଜନ ରାଉତ ଏବଂ ତାଙ୍କ ପତ୍ନୀ ଇନ୍ଦୁ ଓରଫ୍ ଅଙ୍କିତାଙ୍କ ସମେତ ୧୫ ଜଣ ଓ କନ୍ଧମାଳ ଜିଲ୍ଲା ପୋଲିସ ସମ୍ମୁଖରେ ୪ ଜଣ ମାଓବାଦୀ ଆତ୍ମସମର୍ପଣ କରିଥିଲେ।

ମାଓ ମୁକ୍ତ ହେଲା ରାୟଗଡା ଜିଲ୍ଲା