ପୁରୀ: ବିଜେପି ସାଂସଦ , ବିଦାୟକ ଓ ମନ୍ତ୍ରୀମାନଙ୍କ କ୍ଲାସ ନେଇଥିଲେ ରାଷ୍ଟ୍ରୀୟ ଅଧ୍ୟକ୍ଷ । ପ୍ରାୟ ୧ ଘଣ୍ଟାରୁ ଉଦ୍ଧ୍ୱ ସମୟ ଧରି ଟିପ୍ସ ଓ ଟାସ୍କ ଦେଇଥିଲେ ନଡ୍ଡା । ସରକାର , ସଂଗଠନ , ସୁସଂପର୍କକୁ ନେଇ ୧୪ଟି ବିନ୍ଦୁ ଉପରେ ଗୁରୁତ୍ୱ ଦିଆଯିବା ଆବଶ୍ୟକ । ବିଧାୟକ , ସାଂସଦ , ମନ୍ତ୍ରୀ ବୋଲି ଗର୍ୱ ଓ ଅହଂକାର କରନି । ଗ୍ରୁପିଜିମ , ଚାପୁଲିସି ଛାଡି ପ୍ରଥମେ ନିଜ ବ୍ୟକ୍ତିତ୍ୱ ତିଆରି କର । ଗ୍ରାଉଣ୍ଡ , ଅଙ୍ଗନୱାଡି ଓ ମେଡିକାଲକୁ ଯାଇ ଅଧ ଘଣ୍ଟାଏ ବସ । ଅଫିସରଙ୍କ ସହ ଭଲ ସଂପର୍କ ରଖି କାମ ଆଦାୟ କରିବା ଶିଖ । ସଂଗଠନ କିପରି ବୃଦ୍ଧି ହେବ ସେ ଦିଗରେ ଦୃଷ୍ଟି ଦିଅ କହିଲେ ନଡ୍ଡା । ପୁରୀ ସ୍ଥିତ ସ୍ୱାମୀ ନାରାୟଣ ମନ୍ଦିରରେ ଆଜିଠାରୁ ଦୁଇ ଦିନିଆ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଛି । ଏହାର ଉଦଘାଟନ କରିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ।
