ଘରୋଇ ବିମାନ ଦୁର୍ଘଟଣାଗ୍ରସ୍ଥ

ନୂଆଦିଲ୍ଲୀ: ଗୁରୁବାର ଦିନ ଉତ୍ତର ପ୍ରଦେଶର ଫାରୁଖାବାଦର ମହମ୍ମଦାବାଦ ଏୟାରଷ୍ଟ୍ରିପରେ ଉଡ଼ାଣ ଭରିବା ସମୟରେ ଏକ ଘରୋଇ ବିମାନ ରନୱେରୁ ଖସି ଦୁର୍ଘଟଣାଗ୍ରସ୍ତ ହୋଇଛି । ବିମାନଟି ନିକଟସ୍ଥ ବୁଦାରେ ପଡିଥିଲା ।ଦୁର୍ଘଟଣା ପରେ, ସୂଚନା ପାଇ ଏସ୍ଡିଏମ୍, ଡିଏସ୍ପି, ଅଗ୍ନିଶମ ବାହିନୀ ଏବଂ ପୋଲିସ ସମେତ ସ୍ଥାନୀୟ କର୍ତ୍ତୃପକ୍ଷ ତଦନ୍ତ ପାଇଁ ଘଟଣାସ୍ଥଳରେ ପହଞ୍ଚିଥିଲେ। ରିପୋର୍ଟ ଅନୁସାରେ, ଘରୋଇ ଜେଟ୍‌ରେ ଡିଏମ୍ଡି ଅଜୟ ଆରୋରା, ଏସବିଆଇ ମୁଖ୍ୟ ସୁମିତ ଶର୍ମା, ଡିପିଓ ରାକେଶ ଟିକୁ ଏବଂ ଦୁଇ ପାଇଲଟ୍ – କ୍ୟାପ୍ଟେନ୍ ନସୀବ ଭାମାଲ ଏବଂ ପ୍ରତୀକ ଫର୍ଣ୍ଣାଣ୍ଡିଜ୍ ଥିଲେ। ବିମାନଟି ଉଡ଼ାଣ ଭରିବା ସମୟରେ ନିୟନ୍ତ୍ରଣ ହରାଇବାରୁ ଏହି ଦୁର୍ଘଟଣା ଘଟିଥିଲା ​​ବୋଲି ଜଣାପଡ଼ିଛି।କୌଣସି ଆହତ କିମ୍ବା ମୃତାହତଙ୍କ ରିପୋର୍ଟ ହୋଇନାହିଁ। ଏହି ଘଟଣାଟି ମହମ୍ମଦାବାଦ ପୋଲିସ ଷ୍ଟେସନ ଅଧୀନରେ ଘଟିଛି। ଦୁର୍ଘଟଣାର କାରଣ ନିର୍ଣ୍ଣୟ କରିବା ପାଇଁ ତଦନ୍ତ ଆରମ୍ଭ ହୋଇଛି।