ଭୁବନେଶ୍ୱର: ଯେତେବେଳେ ସକାଳେ ନାସ୍ତା ବିଷୟରେ ଆଲୋଚନା ହେଉ କିମ୍ବା ଓଜନ ବୃଦ୍ଧିର ହେଉ, ପ୍ରଥମେ ଅଣ୍ଡା କଥା ମନକୁ ଆସେ । କାରଣ ନାସ୍ତାଠାରୁ ଆରମ୍ଭ କରି ମଧ୍ୟାହ୍ନ ଭୋଜନ ଏବଂ ରାତ୍ରୀ ଭୋଜନ ପର୍ଯ୍ୟନ୍ତ ଅଣ୍ଡାର ବହୁଳ ବ୍ୟବହାର କରାଯାଏ। ଏହା କେବଳ ସ୍ୱାଦ ବୃଦ୍ଧି କରେ ନାହିଁ ବରଂ ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ଭଲ। କାରଣ ଏଥିରେ ପ୍ରୋଟିନ୍, ଭିଟାମିନ୍ ଡି, ଭିଟାମିନ୍ ବି୧୨, କୋଲାଇନ୍, ଆଇରନ୍, ଲ୍ୟୁଟିନ୍, ଜିଆକ୍ସାଥିନ୍, ରାଇବୋଫ୍ଲାଭିନ୍, ପାଣ୍ଟୋଥେନିକ୍ ଏସିଡ୍, ଭିଟାମିନ୍ ବି୫, ଭିଟାମିନ୍ ଏ ଭଳି ଗୁଣ ରହିଛି, ଯାହା ଶରୀରକୁ ଅନେକ ଲାଭ ପ୍ରଦାନ କରିବାରେ ସହାୟକ। କିନ୍ତୁ ଆପଣ କ’ଣ ଜାଣନ୍ତି ଯେ ସକାଳେ ଖାଲି ପେଟରେ ତେବେ ଆସନ୍ତୁ ଜାଣିବା କେଉଁ ଲୋକମାନେ ଏହାକୁ ସେବନ କରିବା ଉଚିତ।
ଯଦି ଆପଣ ସକାଳେ ଖାଲି ପେଟରେ ଅଣ୍ଡା ଖାଆନ୍ତି, ତେବେ ଏହା ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାରେ ସାହାଯ୍ୟ କରିପାରିବ। ଶକ୍ତିଶାଳୀ ରୋଗ ପ୍ରତିରୋଧକ ଶକ୍ତି ଶରୀରକୁ ଅନେକ ପ୍ରକାରର ସଂକ୍ରମଣରୁ ରକ୍ଷା କରିବାରେ ସହାୟକ ହୋଇଥାଏ। ସକାଳେ ଖାଲି ପେଟରେ ଅଣ୍ଡା ଖାଇବା ଦ୍ୱାରା ଅତ୍ୟଧିକ ଖାଇବା ରୋକାଯାଇପାରିବ, ଯାହା ଓଜନ ନିୟନ୍ତ୍ରଣରେ ମଧ୍ୟ ସାହାଯ୍ୟ କରିପାରିବ । ଯଦି ଆପଣ ଆପଣଙ୍କ ଶରୀରରେ ଶକ୍ତିର ଅଭାବ ଅନୁଭବ କରୁଛନ୍ତି, ତେବେ ଆପଣ ଖାଲି ପେଟରେ ଅଣ୍ଡା ଖାଇପାରିବେ। କାରଣ ଅଣ୍ଡାରେ ଥିବା ଗୁଣ ଶକ୍ତି ବୃଦ୍ଧି କରିବାରେ କାମ କରିପାରେ । ସକାଳେ ଖାଲି ପେଟରେ ଅଣ୍ଡା ଖାଇବା ମସ୍ତିଷ୍କ ସ୍ୱାସ୍ଥ୍ୟ ପାଇଁ ବହୁତ ଭଲ ବୋଲି ବିବେଚନା କରାଯାଏ। ଅଣ୍ଡାରେ ଏପରି ଅନେକ ଗୁଣ ମିଳିଥାଏ, ଯାହା ଆଖିକୁ ସୁସ୍ଥ ରଖିବାରେ ସାହାଯ୍ୟ କରିପାରେ। ଯଦି ଆପଣ ମଧ୍ୟ ଆଖି ସମ୍ବନ୍ଧୀୟ ସମସ୍ୟାରେ ପୀଡିତ, ତେବେ ଆପଣ ଆପଣଙ୍କ ଖାଦ୍ୟରେ ଅଣ୍ଡାକୁ ସାମିଲ କରିପାରିବେ।
