ନୂଆଦିଲ୍ଲୀ: ପ୍ରତିବର୍ଷ ଏହି ସମୟ ବେଳକୁ ରାଜଧାନୀ ଦିଲ୍ଲୀରେ ପ୍ରଦୂଷଣ ସ୍ତର ବଢ଼ିଯାଇଥାଏ । କାରଣ ପଡୋଶୀ ପଞ୍ଜାବ ଏବଂ ହରିୟାଣାର ଶୀତଳ ବାୟୁ ଧୂଳି, ନିର୍ଗମନ ଏବଂ ଧୂଆଁରେ ଫସି ରହିଥାଏ । ତେବେ ଏସବୁ ମଧ୍ୟରେ ଚଳିତ ବର୍ଷର ଦୀପାବଳି ମହୋତ୍ସବ ପାଳନ କରାଯିବା ପରେ ଦିଲ୍ଲୀର ବାୟୁ ପ୍ରଦୂଷଣ ସ୍ଥିତି ଅଧିକ ଉଦ୍ବେଗଜନକ ହୋଇପଡିଛି । ସେଣ୍ଟ୍ରାଲ ପଲ୍ୟୁସନ କଣ୍ଟ୍ରୋଲ ବୋର୍ଡ ରିପୋର୍ଟ ଅନୁସାରେ ଶୁକ୍ରବାର ସକାଳ ସମୟରେ ଇଣ୍ଡିଆ ଗେଟ୍ ସମେତ ଦିଲ୍ଲୀର ଅଧିକାଂଶ ଅଞ୍ଚଳରେ ବାୟୁ ଗୁଣବତ୍ତା ମାନ (ଏକ୍ୁ୍ୟଆଇ) ୪୦୦ ନିକଟତର ହୋଇଛି । ଗୁରୁବାର ଦିପାବଳୀ ପାଳନ ପରେ ବିଭିନ୍ନ ସ୍ଥାନର ଏକ୍ୟୁଆଇ ଖରାପ ଶ୍ରେଣୀରୁ ଅତି ଖରାପ ଶ୍ରେଣୀକୁ ଯାଇଥିବା ଏକ୍ୟୁଆଇ ଦର୍ଶାଇଛି । ଦିଲ୍ଲୀରେ ୮ଟି ମନିଟରିଂ ଷ୍ଟେସନ୍ ତଥା ନିରୀକ୍ଷଣ କେନ୍ଦ୍ରକୁ ରେଡ୍ ଜୋନ୍ରେ ରଖାଯାଇଛି ।
ଲୋକଙ୍କୁ ଦୀପାବଳି ପାଳନ କରିବା ଦିଲ୍ଲୀ ସରକାର ସମ୍ପୂର୍ଣ୍ଣ ଛାଡ ଦେଇଥିଲେ । ଏହାର ପରିଣାମ ସ୍ୱରୂପ ଶୁକ୍ରବାର ଦିନ ନୂଆଦିଲ୍ଲୀ ବିଶ୍ୱ ପ୍ରଦୂଷଣ ଚାର୍ଟରେ ଶୀର୍ଷରେ ରହିଛି । ୨୦୨୩ରେ ଦିଲ୍ଲୀରେ ଦୀପାବଳି ପରଦିନ ବାୟୁମାନ (ଏକ୍ୟୁଆଇ) ୩୫୮ ରହିଥିଲା । କିନ୍ତୁ ଚଳିତ ବର୍ଷ ଗତ ୨୪ ଘଣ୍ଟା ମଧ୍ୟରେ ଏହା ସର୍ବକାଳୀନ ରେକର୍ଡ ସ୍ତର ୩୩୯କୁ ଖସିଆସିଥିଲା । ଶୁକ୍ରବାର ସକାଳେ ଦିଲ୍ଲୀ, ଏନ୍ସିଆର ଏବଂ ନୂଆଦିଲ୍ଲୀ ସହରର ଆକାଶ ସମ୍ପୂର୍ଣ୍ଣ ଧୂଆଁମୟ ହୋଇପଡିଥିଲା । ଲୋକଙ୍କୁ ନିଃଶ୍ୱାସ ନେବା ମଧ୍ୟ କଷ୍ଟକର ହୋଇପଡ଼ିଛି । ଆଖି ପୋଡ଼ାଜଳା ଏବଂ ଗଳା ଯନ୍ତ୍ରଣା ହେବାର ଅଭିଯୋଗ ମଧ୍ୟ ହୋଇଛି । ବାୟୁ ଗୁଣବତ୍ତା ସୂଚକାଙ୍କ ଅତ୍ୟନ୍ତ ଖରାପ ହୋଇପଡ଼ିଥିବା ରେକର୍ଡ କରାଯାଇଛି । ସ୍ୱିସ୍ ଫାର୍ମ ଆଇକ୍ୟୁ ଏୟାର ଏହାକୁ ମୂଲ୍ୟାଙ୍କନ କରିବା ପୂର୍ବ ବିଶ୍ୱର ସର୍ବାଧିକ ପ୍ରଦୂଷିତ ସହର ତାଲିକାର ଶୀର୍ଷରେ ନୂଆଦିଲ୍ଲୀ ସହରକୁ ସ୍ଥାନିତ କରିଛି । ସିପିସିବି ୦-୫୦ର (ପ୍ରଦୂଷଣ ମାନ) ଏକ୍ୟୁଆଇକୁ \”ଭଲ’ କାଟାଗୋରୀରେ ରଖୁଥିବା ବେଳେ ୫୧-୧୦୦ ଆଶ୍ୱସ୍ତିଜନକ ବର୍ଗରେ, ୧୦୧-୨୦୦ ଚଳନୀୟ, ୨୦୧-୩୦୦ ଖରାପ ବର୍ଗରେ ରଖିଥାଏ । ସେହିପରି ୩୦୧ରୁ ୪୦୦ ଏକ୍ୟୁଆଇକୁ ଅତ୍ୟନ୍ତ ଖରାପ ବର୍ଗରେ ଏବଂ ଏବଂ ୪୦୧-୪୫୦ ଏକ୍ୟୁଆଇ ସ୍ତରକୁ (ଗୁରୁତର)ସ୍ତରରେ ତଥା ୪୫୦ରୁ ଊର୍ଦ୍ଧ୍ୱ ଏକ୍ୟୁଆଇ ସ୍ତରକୁ ଅତ୍ୟନ୍ତ ଗୁରୁତର ବର୍ଗରେ ରଖିଥାଏ । ଏହି ସ୍ତରର ବାୟୁ ସୁସ୍ଥ ଲୋକଙ୍କୁ ମଧ୍ୟ ପ୍ରଭାବିତ କରିଥାଏ ଏବଂ ରୋଗାକ୍ରାନ୍ତ ବ୍ୟକ୍ତିଙ୍କ ପାଇଁ ଅତ୍ୟନ୍ତ ମାରାତ୍ମକ ବୋଲି ଦର୍ଶାଇଥାଏ ।
ଅନ୍ୟପକ୍ଷେ ଦିଲ୍ଲୀ ପରିବେଶ ମନ୍ତ୍ରୀ ଗୋପାଳ ରାୟ କହିଛନ୍ତି ଯେ ରାଜଧାନୀରେ ପ୍ରଦୂଷଣ ଦୀପାବଳି ପରେ ଯେପରି ଆଶା କରାଯାଉଥିଲା ସେପରି ବୃଦ୍ଧି ପାଇନାହିଁ । ଦିଲ୍ଲୀବାସୀ ଅତ୍ୟନ୍ତ ସଚେତନ ନାଗରିକ ଭାବେ ଦୀପାବଳି ପାଳନ କରିଛନ୍ତି । ବାଣ ଫୁଟାଇବାକୁ ସୀମିତ ରଖିଛନ୍ତି, ଯାହାଦ୍ୱାରା ଦିଲ୍ଲୀରେ ବାୟୁ ପ୍ରଦୂଷଣକୁ ନିୟନ୍ତ୍ରଣ ରଖିବାରେ ସହାୟକ ହୋଇପାରିଛି । ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ସ୍ଥାନୀୟ ସରକାରୀ କର୍ମଚାରୀମାନେ ଗତ କିଛି ବର୍ଷ ମଧ୍ୟରେ ଦୀପାବଳି ଏବଂ ଶୀତ ସମୟରେ ଅଗ୍ନି ନିର୍ବାପକଙ୍କୁ ନିଷିଦ୍ଧ କରିଥିଲେ, ଏପରିକି କାର୍ଯ୍ୟାନୁଷ୍ଠାନ ଆଳରେ ଜେଲ ଧମକ ମଧ୍ୟ ଦେଇଥିଲେ । କିନ୍ତୁ ଏହାସତ୍ତ୍ୱେ ପ୍ରଦୂଷଣ ସ୍ତରକୁ ନିୟନ୍ତ୍ରଣ କରିବାରେ ସରକାର ବିଫଳ ହୋଇଥିଲେ ।ଏହି ପଦକ୍ଷେପ କାର୍ଯ୍ୟକାରୀ କରିବାରେ ଅସୁବିଧା ହୋଇଥିଲା । ପ୍ରକାଶ, ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଆଡଭାନ୍ସ ଷ୍ଟଡିଜ୍ (ଏନ୍ଆଇଏଏସ୍)ର ପ୍ରଫେସର ତଥା କେନ୍ଦ୍ର ସରକାରଙ୍କ ପାଇଁ କାମ କରୁଥିବା ବାୟୁ ଗୁଣବତ୍ତା ମନିଟରିଂ ଏଜେନ୍ସି ‘ସଫର’ର ପ୍ରତିଷ୍ଠାତା ଗୁଫ୍ରାନ୍ ବିଗ୍ କହିଛନ୍ତି ଯେ, ନଭେମ୍ବରର ପ୍ରଥମ ଦୁଇ ସପ୍ତାହ ହେଉଛି ଅତ୍ୟନ୍ତ ସମ୍ବେଦନଶୀଳ ସମୟ । ଏହି ସମୟରେ ଆଖପାଖ ଅଞ୍ଚଳରେ ନଡା, ଛଣ ଆଦି ପୋଡିବା ଦ୍ୱାରା ନୂଆଦିଲ୍ଳୀରେ ବାୟୁ ଗୁଣବତ୍ତା ଅଧିକ ଖରାପ ସ୍ତରକୁ ଯିବାର ଆଶଙ୍କା ରହିଛି । ଏହାକୁ ନିୟନ୍ତ୍ରଣ କରିବା ଆବଶ୍ୟକ ।
