ନୂଆଦିଲ୍ଲୀ: ଚୀନ୍ ଏବଂ ତାଇୱାନ ମଧ୍ୟରେ କ୍ରମାଗତ ଭାବରେ ଉତ୍ତେଜନା ବୃଦ୍ଧି ପାଇବାରେ ଲାଗିଛି । ବେଜିଂ ଏହାର କାର୍ଯ୍ୟରୁ ନିଜକୁ ନିବୃତ୍ତ ରଖୁନି । ଏହି ସମୟରେ ପୁଣିଥରେ ଚୀନ୍ ସେନା ତାଇୱାନ ସୀମାରେ ଅନୁପ୍ରବେଶ କରିବାକୁ ଚେଷ୍ଟା କରିଛନ୍ତି । ତେବେ ତାଇୱାନର ସେନା ମଧ୍ୟ ଏହାର ଦୃଢ ଜବାବ ଦେଇଛନ୍ତି ।ଏନେଇ ତାଇୱାନର ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ, ତାଇୱାନର ସୀମା ନିକଟରେ ଚୀନ୍ ବିମାନ, ନୌସେନା ଜାହାଜ ଏବଂ ଜାହାଜ ଦେଖିବାକୁ ମିଳିଥିଲା ।
ତାଇୱାନର ରାଷ୍ଟ୍ରୀୟ ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ, ମଙ୍ଗଳବାର ସକାଳ ୬ ଟା ସମୟରେ ୧୪ ଟି ଚୀନ୍ ନୌସେନା ଜାହାଜ ଏବଂ ୧୨ ଟି ସରକାରୀ ଜାହାଜ ତାଇୱାନ ଚାରିପାଖରେ ଦେଖିବାକୁ ମିଳିଛି । ଏଥି ସହ ୧୫୩ଟି ସାମରିକ ବିମାନ ମଧ୍ୟ ଏହାର ଆକାଶରେ ଉଡୁଥିବା ଦେଖାଯାଇଥିଲା । ସେନା ରିପୋର୍ଟ କରିଛି ଯେ ୧୫୩ ବିମାନ ମଧ୍ୟରୁ ୧୧୧ ଟି ତାଇୱାନ ଷ୍ଟ୍ରେଟର ମଧ୍ୟଭାଗ ଅତିକ୍ରମ କରିଥିଲା ଏବଂ ତାଇୱାନର ପୂର୍ବ ବାୟୁ ପ୍ରତିରକ୍ଷା ପରିଚୟ ଜୋନ୍ ରେ ପ୍ରବେଶ କରିଛି । ସୂଚନାଥାଉକି ଯେ, ଚୀନ୍ ଏବଂ ତାଇୱାନ ମଧ୍ୟରେ ଏହି ଜଳ ଚୁକ୍ତି ଏକ ଅନୌପଚାରିକ ସୀମା ଅଟେ । ତେବେ ଚୀନ୍ର କାର୍ଯ୍ୟକଳାପ ଉପରେ ନଜର ରଖିବା ପାଇଁ ତାଇୱାନ ଜବାବ ଦେବାକୁ ପ୍ରସ୍ତୁତ ହୋଇଛି ଏବଂ ବିମାନ, ନୌସେନା ଜାହାଜ ଏବଂ ବାୟୁ ପ୍ରତିରକ୍ଷା କ୍ଷେପଣାସ୍ତ୍ର ପ୍ରଣାଳୀ ନିୟୋଜିତ କରିଛି । ସୋସିଆଲ ମିଡିଆ ପ୍ଲାଟଫର୍ମରେ ଏହି ସୂଚନା ଦେଇଛି ।
